[ayhamm26]

كاتب النص الأصلي : yass

اسمحولي ما أشارككون بدور الضحية هالمرّة (و لا حدا ياخد هالجملة بالمعنى السلبي أرجوكون)..

من هالناحية.. هالناحية بس يمكن, الاعلام الغربي مش متحيّز

بيطلعو أحمدي نجاد عم يسب ع اسرائيل و يدعو لمسحها و كل هالحكي و بيقولو معادي للسامية.. طيب مزبوط..

أحمدي نجاد رئيس دولة هي قوة اقليمية, و طبيعي كلامو يكون يعمل ضجة... أكتر من كلام حاخام مشهور ببيت أهلو بوقت الغدا

لكن من طراز حكي هالحاخام و لكن بالجهة المعاكسة مافي عنا منو؟ بالآلاف.. مشان ما أقول بالملايين! يعني قديه في مطبوعات و تسجيلات و كتب و و و و... بتحكي عن قتل اليهود و مقاتلتهم و كل هالكلام؟ مش بس على المستوى الديني, على المستوى السياسي و حتى الثقافي (و ماني بصدد أبحث اذا طبيعي هالكره العميق لكل يهودي, حتى اللي مش دايس اسرائيل بحياتو, فقط عم شير لمستوى عدوانية التصريحات و ما إليه).


بتمنى يتم فهم كلامي كما أقصده

هلق المثال تبع نجاد مظبوط, وكونو رئيس دولة وعم تطلع منو هيك تصريحات والصحافة بتاخدها وبتحكي فيها فهالشي مفهوم نوعا ما

بس الاعلام الغربي اللي بيفتخر دائما بالمصداقية و المهنية ما نو ابدا حيادي بقضية الصراع مع اسرائيل لانو دائما بيحاول يصور اسرائيل بمظهر الضحية و بهالاطار بتلاقين بيتجاهلوا كل التصريحات العنصرية اللي بتصدر عن اسرائيل و بيركزوا على اي شي بيعزز وجهة النظر اللي بدن يوصلوها للقارئ.

وانا ماني ضد انو يضلوا مية سنة يحكوا عن البلاوي اللي موجودة بالمجتمعات العربية طالما عم يحكوا كمان شو عم يصير عند الطرف التاني.