اقتباس:
|
بس لما بيطلع تصريحات عربية ضد اليهود بشكل عام ( وبالتاكيد انا ضد هيك تصريح لانو مو كل اليهود صهاينة وهي دائما بصر عليها ) الاعلام الغربي بشكل دائم بيشير الها سواء كانت من رئيس او من غيرو
|
اسمحيلي.. هاد كلام مش دقيق بتاتاً! أي ما بيلحقو, الله وكيلك ما بيلحقو... يعني ع كل المستويات في خطاب مضاد لليهودية بشكل صارخ جداً ! افتحي دستور الحزب القومي السوري (يفترض فيه حزب تقدمي مع كل تحفظي على اعتبار حزب قومي هو تقدمي) و شوفي كيف يحكي عن اليهود, هل يا ترى الصحافة الغربية حاطة حطاطو و تطالع هالحكي؟
أفراد, كتّاب, شعراء, الخ الخ الخ... كلهون خطابهون مضاد لليهودية (بغض النظر عن انو ممكن اتفهّم هالشي أو لأ, هاد حديث تاني) و مع ذلك مافي هالحجم الكبير من التغطية لهالأمر هاد متل ما عم تقولو, انا على الأقل ما بشوفو
أقصد انو ممكن جرايد محددة ممكن تتحامل, بس مافينا نحكي عن الصحافة الغربية بمفهوم شمولي كامل, يعني لو بدهون يستثمرو هالنقطة فيهون يحطو قسم كامل بكل جريدة بتنقل تصريحات معادية لليهودية و حتى للمسيحية اذا حبيتي... و فيهون ينقلو عشرات التصريحات و ما بيكونو عم يكذبو فيها بشي
انو بتغطيّ الصحافة الغربية الخطاب المعاد لليهودية؟ أي طبعاً, و كمان بتغطّي الخطاب الإسلاموفوبي و بيوصل للجرايد, أنا عندي تقرير من صفحتين كبيرات من جريدة اسبانية حاطين فيه عشرات من "جواهر"ليبرمان و تاريخو الإرهابي...
ما بشوف انهون متحاملين بهالشي, بهالشي خصوصاً لأ, و اذا في صدى بالإعلام لشي فلأنو هالشي موجود, و ما بيصير نقتل المرسال, بعتقد