زلزال .. يموووو ع النبي . تخبو خيو تخبو نزلو ع الشارع
يلا شلون من كان انا مادخلني .. خليني قاعد هون انا ومطمن
عندكن زلازل انتو ياحرام الله يعينكن
ع سيرة الزلزال .. هادا بزمانو من شي عشر سنين على ما اظن ... بتزكر يوما صار زلزلال قوي شوي عنا بسوريا .. مابعرف ازا حدا بتزكرو .. والناس كلا ارتعبت .. حدا عدا فترة علينا بحلب بتزكر اجا كزا زلزال مو زلزال واحد خلال اسبوع في منن اجو شوي قوايا وفي منن عاديات .. بس انو كنا نحس فين .. مابعرف ليش وقتا هيك كفتو الزلازل بفرد كفتة .. بس كان اقوى واحد فين ويوما اكلنا رعبة والناس هربت ع الشارع والناس تعبت .. ونحنا رحنا عند بيت جديد وامي ضلت قاعدة بالشارع خايف تطلع
وطالعناها بالزور وبعد ماكفرنا مية كفرية يوما .. وماضل حدا بالحارة الا مايرضيا مشان تطلع تنام بالبيت
اخي كانت ايام تساااااااااااااااالي عنجد .. الله يعيدا
المهم بعدا بيومين كنا قاعدين انا وامي ببيتنا او بعد باسبوع ماعاد اتزكر .. المهم امي اجت بدا تطلع بتزكر بوقتا كان في وحدة ميتة بدن يشوفو المهم ماعلينا .. هلأ هي كانت خايفة انو يصير زلزال متل اللي صار وهيك وانا لحالي مابعرف شو ساوي .. فهي مابدا ترعبني .. المهم والله ماكزبت خبر .. وبيوما ضليت لحالي بالبيت وكنت هيك لسه شي 6 سنين او اقل شوي يمكن .. المهم يا اخي وانا قاعد ما الاقي الا هالتريات تتحرك .. تروح يمين وشمال .. هو ماكان زلزال قوي كتير .. وبعدين نحن مامنحس فيه لانو بيتنا ارضي بس انو الشغلات بتتحرك .. يا اخي هالترية تروح وتجي وانا انو ياولد معقول زلزال ؟؟
لانو نحن كنا نعرف الزلزال من رجة الارض شوية ومن حركة الترية .. المهم ما الاقي الا امي داخلة ومرعوبة .. اشفي خيتو اشفي .. لك قالتلي الزلزال رجع اجا والعالم عبتطلع لبرا وانت هون ياحمار (لانو الناس كانت تخاف من الرجات اللي بعد الزلزال لانو كانو دائما يخوفنا منن بالاخبار
)
انا
قلتلا ايواااااااااااااااا مشان هيك التريا صلا ساعة عبتتحرك وانا كل فكري من الهوا
بس كانت ايام تسالي بشرفي مابتنتسى .. ايييييييييييييييييييييييه بس