بدّي أحكي كلمتين ....
لما قالولي وأنا صغير انو جوات السجن بس المجرمين و الحرامية ...صدقتهن....
ولما كبرت شوي و صرت أسأل أكتر ....قالولي انو في كمان في جواسيس و خونة ..ببيعو بلدن كرمال المصاري....وكمان صدقتهن
ولما كبرت أكتر ...وصرت أتسائل أكتر ب"حيرة"....قالولي انو كمان في بالسجون في شباب يانع مثقّف...بس مشكلتو انو رجعي و غرّبي ...وأفكارو هدّامة و بيضعف "الروح القومية".....على مضض صدقتهن
بس لما وعيت....
اكتشفت شغلة .....ببساطة
انو نحن أحرار بأجسادنا ....بس
وهنن أحرار...بعقولن ...بضمايرن....بمبادئن....
وأديش في فرق ...بين تحرر العقل.... وقيود الجسد
لكريم.....ورفقاتو و لكل أحرار الفكر و الضمير.....
