اقتباس:
كاتب النص الأصلي : بنفسجة
يعني عادي في كتير ناس بتاكل وبتنكر وماتقولو تمنين لا واجب النظام انو يقدم
ويلي قدمو حافظ الاسد للبلد مش بحاجة حدا يحكي عليه ايجابا او سلبا
وهاد ما بيعني انو كل منجزاتو ايجابية بس يلي شايفتو انو يلي عم يحكو مابيفرقو عن يلي بيجي وبينفخ للنظام كل دقيقة
بالنهاية الحركة التصحيحة بنت مدارس في كل قرية
خدمات صحية للناس جامعات عم يتعلم كتير منكون فيها ببلاش ومش منية يعني
عيشكون 30 سنة من الامن ما حدا منكون كان يخاف يتحرك باليل وحدا ينشلو
ولاحدا منكون كان يفكر انو باي لحظة رح يطلع تفجير يروحلو ابوه او امو
فليحيا هذا الدكتاتور خالدا في نفوس الجميع سواء اكان خلوده سلبا او ايجابا
فه ولو ما اشتغل ما غلط ويلي مابيغلط مابيكون عم يشتغل
لهيك سابقى ارفع القبعة له احتراما
|
بما انو عم تمننينا باللي قدمو حافظ الاسد للسوريين
احكيلنا رفيقة عن اللي شفطوا, عفوا قصدي اللي اخدوا هو بالمقابل
احكيلنا عن ال6 مليارات دولار ثروة جميل الاسد اصغر لص في عيلة الاسد
احكيلنا عن مليارات رفعت الاسد اللي نهبن خلال فترة حكمو المشترك مع اخو طوال السبعينات واوائل التمانينات
احكيلنا عن مليارات بيت مخلوف وشاليش وتوابعن
بنصحك تقري كتاب الصراع على الشرق الاوسط, في صورة بالكتاب لبيت حافظ الاسد بالقرداحة, البيت اللي ولد في قصدي, بس تشوفي البيت اسالي حالك هالسؤال ,
من اين لهم هذا؟؟
علي دوبا بنفس الكتاب بيروي , انو راح ليقدم فحص بكلوريا بالستينات حفيان لانو ما كان عندو شي يلبسو برجلو , وهلق يخزلعين صار من اصحاب القصور والمليارات من اين لابن الكلب هذا؟؟؟
واذا بدك عدلك عن الانجازات بدي لسا سنوات
احكيلنا عن الحياة بسوريا قبل 1963 ؟؟ واللي علموكي انو سوريا وقتها كانت ضايعة وخرابة لحتى اجى الاسد عملها , احكيلنا شلون قبل ما عصابة هالمافيا تجي للحكم كان راتب السوري يكفي على الاقل يعيش حياة كريمة , احكيلنا شلون كان الانسان السوري قبل وبعد 40 سنة قهر وذل تحت البسطار العسكري
عيشكون 30 سنة من الامن ما حدا منكون كان يخاف يتحرك باليل وحدا ينشلو
حاجتكن بقى دعاية ممجوجة صارت , انا عايش هون بالمانيا واقسم بالله انو معدل الامان اللي هون اكتر من اللي بسوريا باضعاف , وهون لا في قوانين طوارئ ولا رئيس مفدى ولا زفت وكل العالم عايشة بكرامتها , فحاج بقى مفكرين الدنيا برا وحوش عم تاكل بعض والامان بس بدولة الاسد الوراثية
المعيب و المهين أنو تنجاب سيرة المناضل الأكبر بتاريخ سوريا حافظ الأسد بهالأسلوب ( الأخونجي - الخدامي
الاسلوب الخدامي هو نفسو اللي تعلمو خدام من معلمو الاسد واللي يبدو انك انت متعلمو كمان
على كل مو غريب عليك هالاسلوب التخويني, اللي بيفكر تفكير صبياني متلك اكيد رح يلجأ للتخوين عند اول فكرة بتنطرح
يا جماعة ما حدا يحتار ولا شي اللي بيقرا اللي كتبو احمد فوق بموضوعية بيعرف انو في ناس طاش حجرها من ذكر الحقيقة عارية , هيك خيو في عالم ما بتقدر تعيش حرة , بتحب على طول تضل معلقة بالقائد الرمز الضرورة , وحتى لو شافو هالرمز الضرورة عم يسرق بعينن رح يخترعولوا الف حجة ليبقى بعينن اله
يعني ببساطة فالج لا تعالج