أول شي لازم يكون واضح أن العلمانية ليست نادي كرة قدم حتى نشجعه أو لانشجعه وهي ليست حزباً مرشحاً للإنتخابات حتى نؤيده أو نعارضه... العلمانية "الصحيحة" هي مجموعة قيم ناظمة لعمل المجتمع والأفراد من وجهة نظر معينة... لنا أن نأخذ بها أو نتركها...
بس هون حابب إتوقف عند جملة قالتها حبيبة وبالفعل مهمة جداً مو لهالموضوع إنما لكل المواضيع يلي عم يصير فيها مشاكل:
اقتباس:
كاتب النص الأصلي : habiba2008
]سؤال ليش كل ما حكت عن إلحاد أو علمانية أو هيك شي تربطهن بالإسلام ما في ديانات تانية لا تناقشو على اساسها [/
|
بعبارة أخرى ليش كل ما حدا عن أي فكر أو كفر أو حكا على الله أو على الأديان فوراً في ناس بتحمل سيف الجهاد المقدس وبتهجم؟؟ يعني ليش دائماً موجودة عنا نظرية المؤامرة على اللإسلام؟؟ يلي مابقدر إفهمو هل بتتصوروا الإسلام بهالضعف لدرجة إنو أي مبدأ أو دين أو أي شي جديد المستهدف منو هو الإسلام فقط دون كل أديان الأرض؟؟
ياجماعة إذا العلمانية هي خطر لأنها تعادل الإلحاد من وجهة نظركون فهي خطر على كل الأديان وليس على الإسلام... مو معقول إتو وصلنا لمرحلة العلمانية خطر على الإسلام وهيفا وماريا ودانا خطر على الإسلام وكاريكتير بصحيفة دانماركية خطر على الإسلام وكلام عضو بأخوية خطر على الإسلام...
يعني ياشباب روقونا شوي مو حلوة بحق الإسلام قدام باقي الديانات إنو ماحدا مستنفر دائماً إلا المسلمين... خلي عندكون فكر إنو يلي بدو يترك الإسلام بالناقص... ويلي بيسب الإسلام يصطفل "على إعتبار إنو ماحيقدر ينقص شي من قيمة الإسلام" ...ويلي بدو يأسلم رحبو فيه...
صدقوني هيك بترتاحو وبتريحو وبتحسنو صورة الإسلام يلي اتشوهت بفعل التطرف والتشدد...
ودمتم.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!