اقتباس:
كاتب النص الأصلي : Abu ToNi
الله ما كان جاب الغلا  |
رجع الغلا... .
اقتباس:
سامحناك سامحناك
بس لازم نفرض على المراجعيين الحضور الشخصي لتمشية المعاملات
هيك ما بيمشي الحال علطالعة والنازلة تكحلني بطلتك البهية 
عم نمزح ولو .. احلى قرصانيتو
بس عنجد ما عم امزح بخصوص تزبيط القالب قلن للشباب يعطوك ياه وانت بدورك بعتلي ياه لزبطلن ياه
من طرف قرصانيتو هدول مو حا يا الله 
|
كتر خيرك... غامرنا بإنعاماتك وإنعامات سعدو تبعك!
لك اطلاع من هالبواب... شفناك عالسطوح وتحت السطوح وبالمطبخ وبالحمام... لك ما بتستحي أنت؟! تلفنالك بمواعيدك الرسميّة اتحججت بالإناث والعطلة والمشوار والبطيخ... قلت الصبح... نطرتك وانطور يا حج محمد! صار المسا ولسا حج سعدو بدو يتلفن. في مثل بيقول: "الحق الكذاب لباب بيتو"!
اقتباس:
ها 
اذا هيك المشكلة فمحلولة هلق ببحبشلك على شي بيزبط معك ... مع انه بعرف ذوقك وما بيعجبك العجب بس منحاول ما منخسر شي
المهم اقدر حملك منية بشي قصة .. وفي سبيل الغاية تبرر كل الوسائل والتنازلات 
|
"هلق" في مفاهيم الخرّاط تساوي شي دهر! ها ها ها  .
اقتباس:
بس انت مدونتك مانها مصدر اعلامي
أنت آخد منحى اليوميات وماشي فيه
وبعتقد انه في كتير عالم متلي معجبة باسلوبك ومتابعة لتدويناتك
وما حدا عم يطالبك بالحياد .. بالعكس انت متلي بتعرف أنه الحياد يبزق من الفم متله متل الماء الفاتر
الموضوعية بتكفي كإطار للكتابة ومن خلال متابعتي الك خلال السنين الماضية بعتقد انك من أكتر الاشخاص اللي بقرالهن وبحس بموضوعيتن بالحديث
|
بالطبع مانها مصدر إعلامي... وبتشكرك بوفرة عالإطراء فعلاً التشجيع هو عاطفة نبيلة وبــ يبني كتير!
بس أحياناً لازم الكاتب (مهما كانت درجته) أنو يواكب الواقع ويكتب انطلاقاً من هالواقع أو من الحدث، وهاد اللي كنت عم أعنيه بعدم متابعة الأخبار والأحداث... مع أني شخصياً من اللي بيحبوا يكتبوا عن الإنسان عامّةً بدون تخصيص لا فئة ولا دين ولا عرق ولا بلد: البحث في الإنسان وقضاياه اللي تمتدّ لكل بلاد الأرض.
اقتباس:
ما تصعب القصص ولووووو 
يعني اذا نصبت كلمة بدل ما ترفعها ما رح تخرب الدنيا
|
لما توصل لمرحلة يُطلب منك فيها تدقيق لغوي وتصحيح فبيصير من المعيب أنك ترتكب هفوات صغيرة وبرغم هالشي كلامي ملآن بالأخطاء النحويّة.
اقتباس:
من النهفات تبع البلوغ انك بتقدر تشوف العالم اللي مستعملين اللينك تبع مدونتك بصفحاتن الشخصية ( هي خدمة من غوغل بحكيلكن كيف بتستعملوها مع الأيام )
فأحدى الصفحات كانت ناشرة اسم مدونتي بس مع التشكيل تبعها والشدات وهلقصص
اكلت القصة مني تقريبا 0,0001 ثانية لأعرف انك انت اللي مستعملها بهلطريقة وبالفعل صدقت حواسي
|
أي نعم... ما بحب ضيف مدوّنة عندي وعنوانها مفشكل ومو محرك! هذا أوّلاً.
تانياً إيمتا بدك تعلمنا هالتقنية؟ يللي تخليك تعرف استعمال صفحات مدونتك!
اقتباس:
ما بدي رد عليك حتى ما اخسر حق الرد بالمستقبل
لهيك بدي اتحفظ على الاجابة وساحتفظ بحق الرد للمرة الجاية 
|
لك لسّا ألك عين تحكي؟ بشرفي عيب... كل فصل بقول... يللا بلاها ما بدي ياك تزعل!
 .
Mors ultima ratio
.
www.tuesillevir.blogspot.com
|