مرحبا شباب ..
بالبداية بدّي قول بانو الموضوع كَطَرح يعتبر نقطة ساخنة و خصوصاً بهالأيام هي صارت المساكنة- متل ما أسماها كاتب الموضوع- هاجس شاغل فكر أغلب الصبايا و الشباب .. خلونا نحكي بشكل واقعي بخصوص موضوع الجنس و الرغبة الجنسية .. الأمور هلأ تغيرت - و من دون دمج الكل - خلّيني قول بانو هلأ أغلب الشباب جرّبو الجنس قبل الزواج .. و الكل و حظّو و طريقتو .. بس من دون شك هلأ الأمور صارت أكتر إنفتاح و البنت تقريبا طلعت برات دائرة الخوف يللي منعرفها و هي الخوف على عذريتها .. هاد واقع يا شباب .. فريت بعض الأفكار و الآراء و لقيت كفتين الميزان يتساوو أحياناً .. و الأحيان التانية بيصير رجحان و طغيان لأفكار المعارضين للمساكنة أو المؤيدين و هاد بيدل على وجود رغبة عارمة لخوض التجربة و هيك رح يختلط الصالح بالطالح و مش بعيد " المساكنة " - إذا توفرتلها المقوّمات- بتصير أمر واقع بالمستقبل القريب و بيصير حالنا حال المجتمعات الغربية.
نقطة للتنويه .. مش كل المجتمعات مؤيدة للمساكنة .. و هون خلينا نخرج خارج دائرة الدين .. في مجتمعات بشرق آسيا, الديانة ما بتعنيلهن كتير .. بس في روابط و أعراف بتسّير المجتمع و أنماطو .. هاد بخصوص الصراخ في وجه الدين.
لازم تعرفو بانو المساكنة بشكلها المعروف هوي تواجد رجل و أنثه تحت شعار الحب .. هاد نمط أميركا و أوربا .. يعني لازم يكونو Boy friend& Girl friend غير هيك بتكون البنت أو الشب Roommate يعني شركاء بسكن بيت .. أصدفاء أو بيعرفو بعض أو غيرو لكن .. لا يوجد أي علاقة حب أو أي ميول لبعض .. هاد واقع مفروض بسبب نمط الحياة الأسرية عندهن .. و طبعاً بسبب أمور كتير غيرها.
نرجع للمساكنة بمفهومها العام أحبّاء أو في نمط عندهن بيسمو De facto و هي متل الأمر الواقع و بيصير الطرفين الرجل و المراة إلهن بعض الحقوق الشرعية و القانونية على بعض طبعاً الطرفين لازم يكونوا عايشين مع بعض لفترة سنين .. هلأ هون شب و بنت بالعشرينات أو كمان أقل بيشتغلو و قادرين " على إستئجار او حتى إقتناء بيت " و هاد الأهم .. فتلاقيهن إنفصاوا عن أهلهن و كمان أسلوب حياتهن بيفرض الإنفصال عليهن .. فيجتمعوا مع بعض .. لكن بأي أسلوب؟
تقريبا بيكونو بحكم المتزوجين و لكن ليسى بأوراق رسمية .. هي الأمور انفرضت عليهن لأسباب منها بأنو الزواج عندهن في إلو بعض الأحكام التعسفيّة يللي ما حدى بيرضاها .. منها بأنو إذا حصل الطلاق فالزوجة أو الزوج شريك بنصف الممتلكات .. كل شي مال و عقار و أثاث .. يعني تقريبا مش عدل إذا الرجل أو المرأة بعد الفراق يطلعو بشي كم مليون إذا الزوج أو الزوجة أثرياء .. منشان هيك قامو عملو أو إخترعو فقرة قانونية تُثبت في المحكمة و هي بانو الزوجة أو الزوج من خلال هالإتفاق بيصير بإمكانهن حفظ ممتلكاتهن و بيسمو الإتفاقPrenuptial agreement و هاد موجود حتى باوربا ..
منرجع لموضوعنا .. بدّي قول بانو المساكنة ما كانت وليدة لحظة باوربا أو بأميركا .. لأ كانت نتيجة لعدة تراكمات و تطورات بأنماط الحياه و سلوكيات البشر بالإضافة للإبتعاد عن الشريعة كعرف للمجتمع ..
نحن ما فينا نتصور مجموعة بنات و و ولاد زغار يلعبو بالحارة chasey
.. طبعاً فريقين الصبيان و فريق البنات .. تبدأ المطاردة طبعاً الصبي بيطارد البنت لحتى يمسكها و ياخد منها بوسة
.. هاد عادي و جميل كتير عندهن و ما عليه إعتراض ... هون بدنا نقول المثل هاد Kid's learn what they live ما هيك .. طبعاً ناهيك عن الإختلاط بالمدرسة و الزيارات يللي بتصير بين الصبي و البنت لبعضهن البعض .. طبعاً الأمور بتكون بريئة بسن معيّن لكن بدها تصير غير شي لما بيتولد الإحسان بالجنس جواتهن .. و مع هالشي الامور طبيعية هي حضارتهن و أسلوبهن
و من دون إعتراض أحد .. إلا في تدريس من الأم لبنتها بأنها كيف تتجنب الحمل المبكر و مع هالشي في نسب كبيرة من البنات يللي وضعو مولودهن الأول و هنّ بسن الـ 15 هي الأمور كلها بتخلّي المساكنة مظهر اعتيادي و طبيعي بمجتمعهن ..
أما عنك أيها الشاكي و ما بكَ داءٌ .. كُن جميلاً ترى الوجودَ جميلُ .. نحن ما لعبنا Chasey و نحن زغار .. ما إختلطنا مع بعض بسن المراهقة و صار في عنّا رفقات صبايا و صبيان .. كمان مش متعودين أو مابعرف إذا عم بتصير هلأ ..
مش متعودين نشوف بنت عمرها 13 بـ Short و Singlet .. يعني صاير هيك معنا .. ربينا على هيك شي و تجذر فينا
فأكيد صار في هوّة بين إختلاط الصبايا مع الصبيان .. ما في عنّا هالأمور .. تخلّف يعني؟ طيّب شو هوي التحضر؟
و هل التحضر بالإختلاط؟ .. أو بممارسة الجنس بسن الـ 12 و الـ 14 بدنا نحكي عن نقطة مهمة و هي ..
هل مراقبة الجنس أو وضع المراهقين تحت رقابة الأهل لعدم الإختلاط و ممارسة الجنس المبكر .. هل هذا الشيئ يدعو لتخلّف الأمم!؟