هلق الموضوع بيسع وجهات نظر
وصاحب الموضوع حكى انو بلا تجريح بس............منضل عرب يعني وما فينا
كتير عالم قالو انو وشو ساوا السيد حسن يعني؟
خلينا نقول انو ماعمل شي بس بيكفي انو احيا عنا امل و هدم اسطورة ان اسرائيل اسطورة
وانو بقدرات متواضعة وقف اهم عناصر الجيش الاسرائيلي بمارون الراس وببنت جبيل
وما دخلو لبنان
تانيا لا تنسوا انو كان في تعتيم اعلامي كبير باسرائيل عالمواقع اللي انضربت على عدد الناس اللي ماتوا
تالتا الحرب هي ادت الى(غير الخسائر وسقوط نظرية الجيش الاسرائيلي وهزيمة الميركافا)الى انو تتعالى اصوات من داخل اسرائيل وخارج اسرائيل للحوار والسلام مع سوريا وبظن انو هاد اعتراف رسمي بالهزيمة
رابعا انو كل شي اتدمر هو تمن الحرية وتمن الكرامة و اذا عندكن تمن ارخص عطونا يا
خامسا كشفت مواقف الدول العميلة فعلا واللي كلنا بدنا دليل واحد على عمالتها وبظن بتعرفو مين
سادسا كشف مين العملاء داخل لبنان
سابعا صفيت القلوب كتير بين الشعبين السوري واللبناني
ثامنا بظن انو اللي عم يقول انو ايران مو لسواد عيونا عم تساعدنا وانو الموضوع كلو لعمل مد شيعي بيمتد من ايران مرورا بالعراق والبحرين والمنطقة الشرقية بالسعودية وسوريا ولبنان
خليني قول انو انا معك بس
مو عدو عدوي صديقي كمان؟
مايسترو
"We ask the Syrian government to stop banning Akhawia
اخوية باقية..
بقينا ام لم نبقى...
|