[yass]

اول شي هي الفكرة تكونت عند الناس لما النازحين سنة ال 67 نزحو من قراهون بالجولان وما كان عندون اي شي يستندو الو ماديا.. يعني خسرو اراضيهون بيوتون مواشيهون وحتى تيابون..
والنازحين بوقتها مللو دمشق الي كان عدد سكانها قليل.. وسكنو بالمدارس وبالبنايات المهجورة وتكونت فرق شبابية لمساعدة الناحين وتوزيع المساعدات الهون..
هي البهدلة اللي مرو فيها النازحين والاضاع المزرية خلت انطباع عام يخلق عند كتير من الناس السطحيين ويحكمو على النازحين من خلال لبسون المهتري ..

و الله كانت حملة حلوة تبعيت الجولان, شاركو فيها ناس كتير و في تدوينات جميلة جداً

فعلاً معك حق بخصوص النازحين.. يعني كمان النزوح لجماعات كبيرة و كلو عالشام بهديك الأيام كتير عمل اختلال بالمدينة... و يعني نتائج هالاختلال كتير ناس حمّلت النازحين مسؤوليتا و هيك...

انشالله قريباً يستردو أرضهون

بحب اذكر هون انو كمان في ناس بيستعملو كلمة الشوايا "شاوي" كمسبة رغم انو الشوايا هنن مجموعة كاملة من الناس الطبيعيين من أهل دير الزور والجزيرة..

كمان كلام صحيح ... اسأليني أنا وقت أقول عن حالي انو أنا شاوي في ناس بيقولولي ليش عم سب حالي

بيظل في عذر انو 90% من اللي يستخدمو كلمة شاوي كمسبة ما يعرفو شو معناها و لا شو بتقصد, بيفكروها شي سلبي متل أهبل أو غبي أو هيك..

أما اللي يستخدمها بمعرفة معناها.. فهاد بدل ما ينزعل منو لازم نشفق عليه


سلام