اقتباس:
كاتب النص الأصلي : pioneer
اول شي بهديكي باقة ياسمين كبيرة
يمكن بعد كل يلي قريتو انتي ناقصك صديق او صديقة مقربين تفكروا مع بعض وتتسلوا مع بعض وحتى تملوا مع بعض
اذا هالشي صعب عليكي عالاقل ممكن تلاقي صديق مراسلة واذا بتحبي اقبليني صديق وهي المنتدى مليء بالاشخاص الرائعين
وبما انو متل ما قلتي اهلك بيخافوا عليكي (طبعا معهن حق)صعب تقدري تقومي بشي جديد او شي خارق للروتين متل مانك متمنية
اتمنى لك من قلبي انو تكوني سعيدة وتملي وقت فراغك بشي مسلي ومفيد
ودمت بود
|
اول شي اسمحلي انا كمان اهديك ياسمنة كل صبح حتى تروق عليها وبعدين
لا والله يا pioneer مو القصة ماعندي اصدقاء والله عندي فوق ما تتصور وحتى انهم اقراب مني كتير وعندي اخ مو رفيق للمراسة حتى مو بس اخ ما بعرف شو بدي سميه لان عنجد هو اكتر من أخ الي بس هو هلق بالجيش من شهر حرام مابدي يهكل همي بكفي طول وقت امتحاني هلكتوا مسجات عن موادي (لانو ما كان عندي وقت للنيت ) والمشكلة انو هو كان يرد ع مسجاتي طول الشهر وانا ماعندي خبر انو هو بالجيش حتى هو خاف يخبرني انو بالجيش لحد مبارح كان خايف ع امتحاني فكيف لسىبدي قلوا مو معقول ما قدّر انو هو كمان بالجيش هموا لفوق راسوا يعني مالي مصدقة امتى يخلص الشهر التاني لانو بعدين بنفرز وبصير دواموا اداري يعني بفضى شوي وأحلى شي أنو جيشوا بحرستا مع انو هو مو من الشام
بس كمان القصة اكتر من ملل القصة اني كرهانة حالي وحاسة انو قلبي مليان من كل شي حتى أمي وأبي وأخواتي وعيلتي ورفقاتي والعالم كلوا وحتى مالة من المشويروالعراس والحفلات والتلفزيون والتلفون والكومبيوتر ومن البيت ومن الدورات وعم حس جسمي مكسر ومالي حيل حرك كاسة من محلها يعني وصلانة لمرحلة فظيعة وحتى نومي قلان عم نام بعد الصبح 5 او 6 اياما وفيق 9 او 10 او 11 اكتر شي صاير عم اشتهي نام يعني اغلب وقتي عم قضيه متسطحة وعم اسمع راديو متل السكرانين مع اني عم حاول كل يوم اطلع من البيت ولو بدي موت وعم حاول انو ادخل ع النيت شوي واعمل رياضة وترجم شوية انكليزي واحفظ قرآن وارفع معنوياتي ومع هيك لح طق وطول الوقت بقعد ببكي وكأن ميت عندي حدى والمشكلة الاكبر ماعم احسن قول لحدى من اهلي لانو اذا قلتلهم نفسيتي تعبانة بقلولي ليش من عم يحكي معك وفعلا اهلي كتير مناح صحيح بخافوا علي وهاد حقهم بس كمان عاطيني حريتي اكتر من شب حتى والحمد لله ثقتهم فيني كبيرة
يمكن حكيت كتير بس فعلا انا تعبانة اكتر ما حدى بتصور ومشان هيك عم قول بدي شي مو عادي لانو كل شي حاستوا عادي
والشي يلي مجنني انو ماعم افهم سبب هاد الشي يلي عم يصير معي يمكن اكيتأب
وعلى فكرة صدقتك غالية شكرا بس فعلا انا ما بدي حدى يتعب معي انا بكرى بصير احسن وعنجد شكرا من كل قلبي على مشاعرك تجاهي وتمنياتك الطيبة
