اقتباس:
كاتب النص الأصلي : هاملت
ممكن تحكيلي مين هي المعارضةالشريفة في نظرك ؟
تحياتي
|
والله يا صديقي ما بظن من الصعب على اي سوري يعرف الفرق بين المعارض الشريف وخلافو
يعني اهم صفة بالمعارض الشريف نظافة كفو من شيئين , اموال الشعب و دمو , وعندك هون مثالين خدام ورفعت الاسد , الاول حرامي بلا ضمير والتاني جزار دموي والاتنين عم يدعوا المعارضة ليحصلوا بواسطتها ما عجزوا عنه اثناء وجودن بالسلطة.
وصفة تانية كمان انتفاء الخصومة الشخصية مع النظام واللي ممكن تدفع اللي عم يدعي المعارضة يتعاون حتى مع اسرائيل و حلفائها ضد مصلحة بلدو , مع التفريق طبعا بين مصالح النظام وصفقاتو السرية اللي بتضمن بقاؤه وبين مصلحة الوطن.
والصفة المهمة كمان , الطائفية , يعني مو واحد عم يعارض بشار الاسد لانو مو من طائفتو , وهالشي بينطبق لحد كبير على معارضة الاخوان الكرتونية. وبتلاقي من الجهة التانية كمان ناس مؤيدة للنظام بس لانو من طائفتها.
هلق انا بشوف انو اعلان دمشق بكل الاطياف اللي بيحتويها بعبر عن جزء كبير من هالصفات , بالاضافة لعدد كبير من المعارضين اللي غير منتمين لاي تيار سياسي ومعارضتن ناتجة فقط من ادراكن للوضع الرهيب اللي وصلوا البلد بعد 40 سنة من الديكتاتورية.
تحياتي
