ما بعرف اذا هيك موضوع محلو هون اما بالسوفت ويير بس انشالله يكون هون
هلق انا من كام يوم سمعت بهادا البرنامج الي اسمو البازار .. وماني متزكر اذا كان هادا هوي نفسو البرنامج القديم نسبيا الي كان ما بيتشغل غير بقطعة بتنحط محل الطابعة وكانو يسموا " العظمة " ( مشان ما حدي يوصلو البرنامج بطرق غير شرعية )
المهم هلق انو حاولت دور عشوية معلومات عن هالبرنامج بس ما قدرت لاقي شي كتير, فقلت بركي الشباب الطيبة تبعيت الاقتصاد بتساعدني شوي وبتخبرني اكتر عن هالبرنامج
اول الشي مثلا فينو الواحد ينزل هيك برنامج من الانترنت وبدون مصاري شي؟
اي نوع من البرامج الاقتصادية هاد, قريت انو برنامج محاسبة وقيود ومن هالشغلات, فحدي فينو يوضحلي اكتر بشوي؟
على اي مستوى عما يتم استخدام هادا البرنامج؟ يعني انا رايح دور عشغل كمحاسب , بيسألوني مثلا اذا بعرف اشتغل عالبازار اما هي بتعتبر شغلات صغيري ما كل العالم بتهتم فيا؟
اذا الواحد بيعرف يشتغل بشكل متوسط عالاوفس ( بشكل خاص هون الاكسل والاكسس ) فينو يعوض عن برنامج محاسبة متل البازار اما مافينو الواحد يظبط حساباتو بلا هيك برنامج متخصصة؟
البازار برنامج سوري, هل هوي مشهور عالمستوى العربي شي اما بس عالمستوى السوري؟ يعني حدي بيعرف بباقي الدول العربية هالبرنامج شي وممكن يفيد فيون؟
مشكورين اخواتي سلافا على اي معلومة ممكن تساعدوني فيا عن هالبرنامج
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia