اقتباس:
|
وأنا شفت فلم اسمو The Pianist
|
هاد الفيلم لرومان بولانسكي, و هو يمكن الفيلم الأكثر موضوعية في تاريخ أفلام الهولوكوست, و بيحكي عن حقيقتين تاريخيتين "ما بينحكى عنهون كتير":
الأولى: كان في فرع من الـ SS مختص بترحيل اليهود و نقلهم إلى معسكرات الإبادة, و عناصر هالفرع كانو كلهون يهود (بالفيلم لما ابن الصايغ أبو شوارب بيحاول يجنّد أدريان برودي للعمل فيها).
الثانية: يهود بولونيا استنجدو باليهود الأميركيين (اللي كانو أغنياء جداً و من وقتا جماعة ضغط بالولايات المتحدة) قبل اجتياح بولونيا من قبل هتلر بيطلبو منهون يمولو عملية ترحيل إلى الولايات المتحدة و بريطانيا و يهود أميركا عملو طناش, و اليوم يهود أميركا هنن اللي عم يستفيدو من قضية وفاة أخوتهون اللي طنشوهون و ما أنجدوهون
هاي أمور عجبني انو بولانسكي يحطهون بالفيلم و يحافظ على مصداقيتو كأحد أفضل مخرجي التاريخ
اقتباس:
سمعت علتلفزيون معلومة ما بعرف مدى مصداقيتا
بتقول بان الدولة الاسرائيلية عن طريق جمعيتها الحقوقية الناشطة بتحصل لحد اليوم على مبالغ مالية معينة من الحكومة الالمانية الحالي .. وبصراحة انصدمت كتير لهلفكرة
|
مزبوط هالكلام, ألمانيا إلى الآن ملزمة تدفع تعويض سنوي لدولة إسرائيل, بس ما بعرف بالضبط شو المبلغ, و يفترض انو المبلغ يتم صرفو على معونات اجتماعية لبقايا الناجين من الهولوكوست باسرائيل و بغيرها (يعني يهودي من الناجين من المحرقة عايش بالأرجنتين مثلاً بيوصلو متل راتب شهري من هالمبلغ بإدارة الوكالةاليهودية)
-------------
بخصوص موضوع المحرقة, انا ما بفهم الإصرار العربي و الإسلامي على إنكارها إلا في إطار قصر النظر الممزوج بالعنصرية, و موقف الإنكار هاد بيفيد اسرائيل أكتر من أي شي تاني..
يعني مثلاً في واحد من معارفي عايش بدولة عربية غير سوريا حالياً مهووس بهتلر, و أقوال هتلر و صور هتلر و كل شي يخص هتلر, و بيحبو لأنو "قتل يهود" و يحكي كتير الجملة القذرة تبعيت هتلر اللي بيقول فيها انو كان بإمكانو يبيد اليهود كلهون بس ترك كم واحد ليشوف العالم بالمستقبل ليش أبادهم.. كل هالحكي و بنفس الوقت هو بينكر المحرقة و يقول انو هاد تزوير للتاريخ...
طيب انت بتحب هتلر لأنو قتل يهود ع حد تعبيرك, و بنفس الوقت تقول انو لأ كذب هو ما قتل يهود... أي احترنا معك ارسي على بر !
بعتقد انو غلط التوجه العروبي تبع اعتبار انكار المحرقة قضيتنا... انو شو دخلنا, ناقصنا قضايا لحتى ننط و نعمل محامي دفاع عن كل واحد بينكر المحرقة و بنعتبرو حبيبنا؟؟ المحرقة صارت, مافي شك بهالشي, و ما ماتو فيها يهود بس.. ماتو فيها 17 مليون سلافي و غجري بالإضافة إلى شيوعيين و اشتراكيين و غيره, و ما بعرف اذا ستة مليون يهودي أو أقل أو أكثر بس هاد مو شغلنا, و ما بفهم ليش هالاصرار على إنكارها أو إنقاص إجراميتها بحق التاريخ !
لك ليش في كتير عرب بيحبو هتلر؟ اذا العرب لألو بقذارة اليهود.. العرب ساميين و هو بيكره الساميين, و هتلر لو عايش اليوم كان عمل محرقة بالمهاجرين المسلمين بدل اليهود, بس صدفت انو بهداك الوقت كانو اليهود حواليه.
اليهودية مش عدوتنا, في كتير يهود بالدول العربية تقلّعو تقليع من البلدان العربية و ما كان بدهون يهاجرو, في كتير يهود طلعو من الدول العربية و هنن يبكو و راحو ع أميركا الشمالية و الجنوبية و لليوم محافظين على عادات البلاد اللي طلعو منها...
لك في يهود بقلب الشام.. بتعرفو هالشي؟ و حاخامهون "الحمرا يمكن كنيتو" كان شخصية محبوبة بالوسط الدمشقي
مشكلتنا مع الصهيونية, مش مع اليهود, في صهاينة عرب, و ع أساس مسلمين, و أوفياء لإسرائيل أكتر من كتير يهود بالعالم أجمع مالون باسرائيل لا ناقة و لا جمل, و لا تقولولي أكثرية و أقلية انو و الله اليهود المناح قلال, ما خرج نعمل هيك حسابات و احصائيات منوب...
