قبل ردي الاول بالموضوع كان في كتير ردود جميلة او بعض منها وفيها منطق وفكر
بس الواحد ما قرا اصلا غير الموضوع وبعدين اخر رد وبس .
مصطفى بيشوف الحجاب والتدين بالنهاية حرية اعتقاد وهاد شيئ منطقي كتير
اقتباس:
كاتب النص الأصلي : باشق مجروح
رغم ايماني بأنها ضمن حدودها المحتواة لا تعدو كونها حرية اعتقاد.
|
انا هون مع ماجد في التساؤل عن مبرر مقنع للنوعاج من هذا المد ان كان واقع ؟
وهل التدين مش من الحرية ؟؟
اقتباس:
كاتب النص الأصلي : maged-syrian
لااعرف ماهو سبب انزعاج صاحب الموضوع من هذا المد اللي صاير بالبلد !
مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟
|
وهون حكي حسين تمام كتير
ضد التطرف والتشدد ومع التدين والايمان
وانا كمان معو بتسائل شو قصة العداء للحجاب ؟؟
اقتباس:
كاتب النص الأصلي : hussienbki
بعدين ليش إنت شايف إنو الموضوع كالوباء اللي بيحتاج للوقت والوعي ليتعالج ويزول, لأ أخي بالعكس أنا معك برفض التشدد والتزمت الديني اللي هو مالو أي صلة بالإسلام والكل بيعرف هالشي, أما إنو الناس بيزيد ايمانها بالله وبيزيد احترامها لدينها وقواعدو فهاد بشارة خير بنظري لأنو على مر العصور ما جمع العرب غير دينهم ( وهو كان المدخل لتفرقتهم الأولى ) وبالتالي برجع وبأكد الرجوع الى الله ومعرفة والإيمان فيه شئ والتشدد شئ خر تماماً مرفوض رفضاً قطعياً.
بتمنى تكون وصلتكك وجهة نظري وإنو ننظر للموضوع بطريقة صحيحة ويكون فينا انفرق مابين الدين الحنيف وأوامرو الخالدة ومابين التقليد الأعمى والتشدد الأسود.
بعدين شو قصة العداء المخيف للحجاب, وبعتذر من الأخوة هون بس أنا بحكي بالعموم, يا أخي الصبية اللي بتضحي بالظهور بكامل زينتها وبتغطي شعرها لإيمانها إنو هالشي هو تطبيق لأمر الله عزوجل لازم تحترم لأنو بغض النظر عن اقتناعنا بالحجاب هدفها سامي وبيستاهل الإحترام, فشو صاير بالدنيا
|
وهون كمان حكي ليلى تمام
ليش الحجاب والتدين فظيع ومخيف وليش بدو حلول الموضوع ؟