[بنفسجة]

ايمت صار سلام؟
هلا لبنان فعلا ورقة رابحة ويلي خلا منو ورقة رابحة غباء البعض اللبناني وتسليم انفسون ورقة بيد الاميركي بيبيع وبيشتري فيون وعند اول مفترق طرق قلون باي
لبنان متل كل مرة قبل مايصير مشروع سلام تقدم كهدية للمفاوض السوري من قبل الامركيين
بس مش هيي يلي بتحدد مسار المفاوضات والدليل يلي صار بالتسعينات
اما عن رايي بهيدي المفاوضات فما بتوقع انو رح تودي لنتيجة ورح تبقى مكانك راوح والسبب انو الارض مش رح ترجع كاملة والتمن كتير باهظ وهو فك الارتباط مع المقاومة وايران والنظام ما الو مصلحة بهيك سلام
اما القول انو تهدئة الاوضاع بلبنان مقابل هيك سلام فغريب كتير كتير ما الاوضاع على الارض رايحة لمصلحة حزب الله مدعوما من سوريا فالثمن امريكا يلي دفعتو مش سوريا يلي فاوضت عليه
اما عن المحكمة الدولية وقول البعض انو النظام بيفرط بالجولان مقابلها فهيدا امر كتير غريب كان فيه يفرط بشي ابسط من هيك بكتير لان اصلا كلا على بعضا هي المحكمة بتنباع بثمن بخس جدا ولو ملاقيين جدوى منها ما كانو بيبحطوها عالرف كل فترة والتانية وبيرجعو يتذكروها فترات اخرى
اما عن التصويت فانا ما صوتت لسبب كتير بسيط انو لبنان مش مفصل بهيك مفاوضات انما طبق تحلية
والهم الاوحد هو سلاح حزب الله ومتل ما شفتو الهدوء يلي صار ما كان على حساب حزب الله وسلاحو انما العكس تماما