اقتباس:
وَ هل تمَ غرس الأفكار الحاقِدة وَ المُكفِرة لـِ تنمو على شكل ِ تطرفٍ قبيح
وَ يغدو المُجتمع الواحد أحزاب وَ طوائف غير مُعلنة
|
الطفل لما يكون صغير بيكون ما بيعرف أي شي وإذا تربى ضمن عائلة فيها شيء بسيط من التطرف ضد شخص أو ضد جماعة فبطبيعة الحال الولد رح ينشأ على كره هالجماعة أو هالشخص هاد لحتى نوصل لأقبح أشكال الحقد والكراهية وهو التطرف ولما شخص يوصل لمرحلة التطرف فمن المستحيل انو يرجع إنسان طبيعي يتقبل الآخر
اقتباس:
|
هل لوسائل الإعلام وَ دُعاة ُ وَ وعاظ ُ الدين طرفٌ في غرس ِ هذهِ البذرة الشريرة في النفوس الطيبة
|
بالطبع وسائل الإعلام إلها تأثير كبير متلوا متل تأثير رجال الدين وهدول بيزيدوا التطرف أو الكراهية في حال وجودها وبيزرعوها في حال عدم وجودها ومتل ماقلت من قبل لما يكون شخص غريب جدا عن موضوع معين أو عن مجتمع أو عن طائفة وماعندو أي فكرة عنهم وتجي تزرعلوا براسو هالأفكار المتطرفة إلي أغلبها كذب وإفتراء فحيصير عندو حقد وكراهية والدليل على هالشي وجود جماعات بالمجتمع الغربي إلي بتأيد الصهاينة بحكم سطوتهم على وسائل الإعلام وبالتالي بتكسبهم لصفها والموضوع واضح للعيان بشكل لا يوصف
وقت بلشت أحداث غزة قلت بدي شوف نشرة الأخبار لحتى شوف شو عم يحكوا عن هالعملية القذرة بنشرة الأخبار سدقني كان الحكي عن هالعملية دقيقتين نص دقيقة عم يحكو عن هجمات الصهاينة على غزة وإلي مستحيل تشوف أي تصوير لأي جثة طفل أو شيخ أو إمرأة ودقيقة ونص عم يحكو عن الصاروخ يلي أطلقتوا حماس بالإضافة لإدخال كلمة إسلام بكل شاردة وواردة, طب الأشخاص إلي عم تشوف هيك شي عالتلفزيون ما بينفع معهم لتغيرلهم فكرتهم وتكسبهم لصفك إلا عملية غسيل دماغ
اقتباس:
هل ما يَحصل في غزة عبارة عن عملية تصفية حسابات الأحزاب الداخلية
بل تصفية حسابات أكبر دولية وَ أقليمية لا بل عالمية ؟
|
بظن انت لحالك جاوبت عالسؤال لأنو هي عالمية لمحو فلسطين من عالخريطة وبرأيي أكيد في تواطؤ عربي مع الشي يلي عم يصير إن كان من الأحزاب الموجودة داخل فلسطين ولا من الدول العربية يلي صارت معروفة مين معنا ومين علينا
كمان إلك مني أجمل تحية مسائية
متأسف عالإطالة
أنا الدمَشقي لو جرحت جسدي .... لسال منه عناقيد وتفاح