[غيداء ذاك اسمي]

كاتب النص الأصلي : mblue

ترجم 'ازا' بتغضر

أول ما جهجه الضو ، اجا يوسف ليشطف البيت ، منشان البق ، سكّر باب الصئاء ، شلح الشحاطة منشان ما يجقجق ، و جرجر الكراسي و شئوفة الزريعة ، تكتك شلون بدو يشطف ، بحبش شوي ، دندل الزنبيل و شقل المي من الجب ، سخنا عالنار لبقبقت و بربقت ، و كتا بالحوش الجواني بالطاسة لانو ما عندن قسطل و صهريج و خرطوم ، و دعك الارض منيح من الزفر لانو دبقة ، فك الكمر ليترحرح و شلح الشلحة ، منشان ما تتشحور ، و شلفا وراه ، و فشّخ فوق المي ، و دقّر شوي ، و بعدين نط ، تفشكل بكومة دف ، و انطبش جواتا، طبشة قاتولية ، و انجرحت ايدو واوا ، حشّك ، و بعق و جعّر آخ يا يامو ، يا يابو ، اجت امه وبإيدا الطواية و الشمشاية ، و قالتلو يي يي ، ليش عبتحركش و تنكّش ، متل البوبو ،كنت امسوك الدربزون ، اش معمصة عيونك و مفشفش ، بروك عالبرطوش ، و تلقح عالزيق ، و حاج تطرطق و تفرتّك ، دحتّه دحة، و جابت لو شقفة شرشوطة و ربطتا ، بعد ما خسلتا بالمي ، و طرطشت تنورتا ، و قالتلو قوم تغندر ،

هادا كلو لقش ولعي حلبي

اول ماطلع الضو اجا يوسف ليغسل الارض من الشان النامووس سكر باب الحارة من شان ما تتبرأع الارض وحب الكراسي شئوفة مافهمتها
فكر شلون بدو يغسل الارض ، دور شوي ، دندل الحبل ، سحب المي من البير ، سخنا عالنار لحتى غلت غلي ودلأها بالحوش الداخلي بالطاسة لانو ماعندن سطل و بربيش ، وحك الارض منيح لانه زفرة وعم تلزأ ههه
اوووووووووووف تعبت

شلووووووووون شو رايكن