احنا العرب شاطرين بسرد امجادنا .. وشاطرين كتير نقعد نحكي عن تاريخنا والزير سالم وابو ليلى المهلهل .. ونتباها بانو نحنا الارض الي نزل فيها الانبياء .. من ابراهيم للسيد المسيح للرسول محمد ... .. وارض القداسة ومهد الحضارة .. هاي كلها عبارات للتخفيف من الم وحسرة الموطن العربي لكن بالحقيقة بتعرفو ليش الانبياء والرسل عم ينزلو بارضنا!!!!!!!!!
لانو عادا بيجبو استاز خصوصي للطالب الحمار ... للطالب الفاشل ... بس الطالب الشاطر مانو بحاجة لاستاز خصوصي ..
اي هاي هيي هيك صاير معنا
غير هيك .. المشكلة انو لك يا عمي مافي امل ..
طبع تعى قلي كيف بدك الشعب يتطور ...
1- عندك نص المجتمع (النساء) محجوبين عن العالم الخارجي .. ايّا كان ما بدنا ندخل بتفاصيل بس هذا الواقع وايا كانت الاسباب ما مهم هذا الواقع
2- التوجه العام نحو التركيز الاول والاخير على الدين بكل شيئ ...
من يومين كنت عم طالع حملة على النت لقضاء الاجازة الصيفية .. حملة قايم فيها حوالي 20 موقع من كبار المواقع العربية .. الحملة تدعو لقضاء الصيف بحفظ القرأن .. انا يا جماعة ما ني ضد ابدا حفظ القران والانجيل والاخذ بهم بكل شيء .. بس لو تركت شعبك يقضي العطلة الصيفية في حفظ الكتاب .. طب هذا شو بدك ياه يقدم للحضارة .. شو بدك هال الشعب يفيد بالتقدم .. ما بقدر اتخيل انو واحد قرر يقضي عطتو الصيفية في حفظ الكتاب انو حيقدم شيئ للمجتمع ............... قطعيا لاء
هذا لو بيروح بيعمل دورة كمبيوتر لو بيروح بيعمل دورة انكليزي لو بيقعد يدرس بشي مجال ايطالع بشيء علمي ... يحاول يساعد بعمل بمشروع باي شيئ .. مو احسن للمجتع !!!!!!!!!!!!!!!!!!!!!!!!!!
3- منقعد منحكي مطولا ومطولا عن ماضينا المجيت واحنا الي عنا ابن سينا واحنا الي طلعنا ابن النفيس والاعجازات بالقرأن .. طب خلينا باخر وحدة انا برايي الاعجازات لاي كتاب مقدس تنزل بالكتاب وتقلل من قيمته ... طب انا شو بيفيدني لو عرفت انو بالقرأن في شرح واضح وجليي لعمية تطور الجنيني داخل بطن امو .. اذا كان الغرب هني الي درسو هال الموضوع واستفادو من هذا العلم ..
شو بيفيدني لما انا العربي الي معي الكتب السماويي والي فيها كل هال الاعجاز وما عم بقدر شوف او اكتشف شيء غير بعد ما الغرب يكتشفوه بجي انا بقلون اي والله هذا ترى مزكور بالقران !!!!! طب مو الاولى انا الي حافظ القرأن و الاكثر اطلاع عليه اكتشف هال الاكتشافات الي عم بجي احكي فيها كاعجازات بعد فترة !!!!!!!!
خير الله هم اجعلو خير
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|