اقتباس:
كاتب النص الأصلي : تائه فـــ النور ــــي
شفت ابو السيم
انا استنيت هالشخصيات الفذة هي
هالشخصيات اللي رشوة الشرطي عندها من شغل الرئيس
ايوا يعني الرئيس عندو مصباح سحري بدو يفركو ويقلن لكل اللي عم يشتغلو بالدوائر الحكومية
لا ترتشو
الشغلة شغلة نفسيات ضعيفة وما بظن انو الرئيس الو علاقة بالنفسيات كمان؟
الا ازا قلب اله وما بعرف انا
هلأ شلون عم تدافع عن حافظ الاسد ,, وعم تقول انو بشار الاسد هدّم هالمكتسبات هي,,
بما انو من وجهة نظرك,
ما عمل اي مكتسبات
او انا فهمت غلط
|
هيك قلتلي لكن لا الرئيس ما عندو مصباح سحري عندو مافيا فساد خاصة في مؤلفة من بيت الاسد ومخلوف وشاليش وهدول داخلين بالقطاع العام والخاص وناهبين البلد علنا وعلى عينك ياتاجر
بعدين والله عيب لسا منحط الحق على الموظف الفقير المنتوف اللي بدو يطعمي ولادو وتاركين القطط السمان اللي فوق لما ببطل النظام سياسة جوع المواطن وذلو مشان تقدر تحكموا ساعتها بتبطل الناس او معظمها ترتشي وساعتها بتقدر اللي بدو يرتشي تحاسبو على المظبوط
انا ما دافعت عن حافظ الاسد شلون فهمتها هي؟؟ قلت في مكتسبات للنظام (مو للوطن للنظام )اجت من خلال سياسة الاب الخارجية المعروفة اللي قائمة على اساس براغماتي ما الو علاقة بشعارات البعث المستخدمة فقط للاستهلاك المحلي متل مثلا السيطرة على لبنان اللي استغرق 15 سنة واجى الوريث ضيعو ب 4 سنين
هلق في نقطة مهمة بهالحوار بس ما بدي اتهم اني خرجت عن الموضوع وهي تفضلوا شرحولنا شو هي صلاحيات الرئيس بالضبط في سوريا؟؟ ولايمتى بدنا نضل معبايين البروباغاندا تبع عبادة الشخصية براسنا وانو الرئيس هدا انسان فوق الطبيعي وما بيغلط واذا صارت بالدولة جرائم فهو ما الوابدا اي علاقة
رغم انو المفروض حتى لو ما الو علاقة يستقيل لانو مجرد كونو رئيس والامور ماشية من تحتو وهو مو عرفان هو اثبات انو موكفؤ للمنصب .