[Nay]

كاتب النص الأصلي : قرصان الأدرياتيك

هلا فيك ناي...
طيّب وإذا كنت سوري وماني عربي فليش لأكذب على حالي وعَ الآخر ووافقو على أنّي عربي؟!
كل إيطالي تعرّف عليّ صار يعرف الفرق بين الانتماء العرقي وبين كون مواطن سوري يحمل جنسيّة هالدّولة. ليش الأرمني السوري هو عربي؟ ولا الكردي السوري؟ ولا الآشوري السوري؟ كلنا سوريّون بس قوميّاتنا تختلف وحلو الإنسان يعترف بهالانتماء!

المشكلة أنّو فكرة "العروبة" يللي سوّقتلها التيارات السياسية والدينية خلت "الصومالي" يصير عربي!!! وهالشي غير صحيح ونحن لازم نغير المفاهيم عند الغرب... سورية هي بلد السوريين بكافّة فئاتن العرقيّة والدينيّة.

فأمّا أنو كون جزء عبر "اللسان" فللأسف هالشي غير صحيح، لأن الأميركي بلغتو الإنجليزيّة ليس "إنجليزيّاً" والسويسري بلغتو "الإيطالية" أو "الألمانية" أو "الفرنسية" ليس إيطالياً ولا ألمانياً ولا فرنسياً...
وهاد حالي أنا: سوري بجنسيتي سرياني بقوميتي عربي بلغتي... وهيك عاجبني حالي!
ماني مستعد أتخلى عن لغتي الأم "العربية" ولا عن قوميتي "السريانية" قومية آبائي ولا عن جنسيتي "السورية" برغم البهادل اللي تعرضتلها بسببها! وبظن بيكون هيك وضحت أنو ماني مالنوع اللي بيهرب أو يتحجج...
مع التحيّة والحب
رح احكيلك هيك مثال عني انا من الجولان وجدي طلع من الضيعة من سنة ال 1930 درس برا البلد ورجع على الشام وسكن فيها وأبي ما كان يروح على الضيعة غير زيارات .. رغم هيك بس حدا يسألني اذا كنت نازحة بقول أي أنا نازحة .. مو لشي الا لحتى ما انفهم اني خجلانة من هيدي الكلمة..
بالمقابل رغم اني شركسية وماني عربية بس لما بنسأل برا البلد عن انتمائي ما بنفي اني عربية أو اني سورية كمان مشان ما انفهم اني خجلانة من انتمائي الي أنا بحس فيه ولو جزئيا..

من حيث وجهة نظرك بفرض العروبة علينا أنا معك تماما.. بس أنا بحس انو السؤال العابر ما بيستحق هالتوضيح


ما رح عيد الله يخليك لأنّي شرحت القصّة للرفيقة المناضلة القانونيّة ناي .
وميت وردة .
.

رح مرقلك ياها هالمرة