اقتباس:
والاتحاد الرياضي عم يحارب فريق الكرامة. لانو شكلو مو حابب يطلع فريق منيح بالدوري.
لسى من فترة احمد الجبان, (خرية الاتحاد الرياضي)
قال انو الكرامة وصل لنهائي اسيا هديك السنة بالصدفة. وما بيقدر يكررها هالسنة.
لك انو يا فهيم لنفترض هالشي بالفعل صار, يعني على القليلة اكذب على هالفريق.
شجعو شوي.
هاد غير عدم قبولو بتأجيل مباريات الكرامة.
وهاي القصة.
اي نسينا في اربع فرق شامية بدوري المحترفين, والاتحاد الرياضي عم يحاول يبعدهون عن الهبوط للدرجة التانية.
شغلة بيع وشري مباريات.
والمصيبة الكبرة انو هلق القرداحة بالمركز القبل الاخير.
واذا بدون يربحوها كام مباراة مشان يتحسن مركزا.
الفرق الشامية بتتأثر بهالموضوع.
لنشوف شو بدو يطلع معهون بهالموضوع.
|
والله يامعلم مو بس انتو اللي عبتعانو من هالظلم
الظلم اللي بيوقع علينا نحن اقوى وادق رقبة يعني لو بدي عدلك اللي بصير ضدنا لبكرة مامنخلص ولسه هلأ مافي شي ع العلن من قبل وخاصة بفترة التسعينات وقع علينا ظلم (مو ظلم واحد ) وعمل الاتحاد الرياضي بنادينا شغلات عينك كنت عينك لهلأ كتير ناس مابتنساها ومستحيل تنساها وكان كلو ع المكشوف وماحدا قدر يعمل شي طبعا هادا عدا اللي بصير من تحت الطاولة وشغلات لو منرجع ومنتذكرا فمارح نخلص لبكرة...
وبعدين انتو يعني لسه جداد على المصلحة
وماكتير انبع*** من وشاخة الاتحاد الرياضي ببلدنا متل ماعانينا نحن بقى حمدو الله ومدام الكرامة بدو ينافس ع الصدارة فبدو يضل يتحارب
ليش ؟
لانو ماحدا لازم يكونو بالصدارة غير فرق العاصمة (الوحدة والجيش) وجبلة والقرداحة وممكن يعملوا اي شي مشان مايروح الدوري للفرق التانية ومتل ماهلأ عبيعملوا العمايل مشان مايهبط الوحدة او القرداحة
ولا تستغرب اذا صار شي بمباراة الاتحاد والكرامة غير مسار الدوري كلياتو كرمال عيون فرق العاصمة
لانو مع اتحادانا الرياضي وعمو الجبان ماتستغرب شي
كلشي بصير
فتأمل يارعاك الله ...