انا مرة بالصف التالت
كان عنا مدرسة كان شغلا الشاغل اكل البزر بالصف
ووصلنا لاخر الفصل وماكنا اخدين ربع المنهاج
واذ....
نقل لها المدير الخبر التالي
الموجه التربوي جاايي يحضر عندك بكرا حصة فحضري
وبما انو بالخطة شيت التربية لازم تكون واصلة لمحل معين وهيي ما واصلتلو
قررت المعلمة انو تنبهنا على ضرورة البقاء صامتين وعدم الاجابة على اي سؤال للموجه
المهم قالتلي بما اني كنت اذكى صفي (اقبش حالي) انو اذا سالني الموجه شو اخدين خبرو انو اخدنا لعند الدرس الفلاني يلي رح تشرحو هيي اليوم
المهم محسوبتكم انطعجت كيف الانسة بتقلا تكذب
فات الموجه يا سادة ياكرام
واول مرة بشوف المعلمة عم تشرح متل الخلق ويالطيف شو كانت حبابة
بعد ما خلص الدرس فجاة ما شفت الموجه الا اجا لعندي
وقلي عمو عم تفهمي عالانسة
قلتلو شوي مو كتير
قلي ليش شوي مو كتير
قلتلو استاذ بتاكل بزر بالصف قال لانها حامل وعم تتوحم
وفجاة صارو عيون الانسة برا وجها
قلي الموجه ايواااااااااااه وين لاي درس وصلتو
قلتلو استاذ هاد الدرس لسا ما وصلنالو وقلبتلو عالدرس يلي واصلين الو وطبعا كان قبل 12 درس من الدرس المشروح اليوم
قامت المعلمة وقالت لموجه لاتصدقا هي بتغيب كتير حتى اسأل الطلاب هي الطالبة ما بتعرف شو عم ينشرح
قام قلتلا بالله شو انا ما بعرف وين وصلنا
اصلا انتي قلتلي اكذب وقول انو عم افهم عليكي وانا بابا قلي لاتكذبي
قلي الموجه برافو عمو اوعى تكذبي
وطلع
وبعد ماطلع
يالهووووووووووووووووووووو ووووووووووووووووووي
قالتي خربتي بيتي انتي انا بفرجيكي ولولا انو المدير اتدخل كنت رحت فيا دبلكي
اهم شي انو تاني يوم اجا قرار فصل المدرسة
