[محمد ابراهيم]

كاتب النص الأصلي : Willi

لو انا كيني بعطي امر لطائراتي تروح عالشمال.
هيك بكون عندي فرصة 100% انو اقصف سفن اليابان لمدة يومين بكل الاحوال (يعني اذا راحو بالشمال او بالجنوب)
بينما اذا امرتو يروح بالجنوب فهيك رح يكون عندي 50% فرصة اني اقصفهون ليوم و 50% اقصفهون ل3 ايام
ومتل ما بقولو عصفور بالايد ولا عشرة عالشجرة.

باخد احتمال ال 100% ويومين بكفوني

اما اذا كنت القائد الياباني. فكمان بروح بالطريق الشمالي. لنفس السبب السابق. يعني ما بعرض سفني لخطر انو ينقصفو لمدة 3 ايام.
مع العلم انو اذا رحت بالطريق الشمالي ولا الجنوبي رح يكون نفس الشي. يعني بالحالتين رح انقصف ليومين. لانو بعرف انو افضل خيارات كيني هية الطريق الشمالي. وغالبا رح يكون موجود فيه.

قيمة المباراة هية 2+ -2 = 0


شلوني معك؟؟

الموضوع حلو. مانو كتير صعب.
بينحسب بدون ما تنقرا النظرية كلها.

ذكي بلا ادنى شك بس لاحظ انو هاد بسبب انو كل طرف عندو استراتيجيتين بس (لو كانو اكتر كان لازم ترسم مصفوفة غصب عنك)

بالفعل قرار القائد الياباني متل قرارك (لانو هاد الافضل الو )
وبالفعل قرار القائد كيني متل قرارك (لانو هاد هو الافضل الو )

وبالفعل السفن اتعرضت للضرب يومين لانو القائد الياباني امر سفنو تبحر بالطريق الشمالي ، وكيني امر طائراتو تطير للطريق الشمالي وبعد بحث يوم كامل وجدوهم باليوم الثاني وقصفوهون يومين كاملين والحقو بالاسطول خسائر لا بأس فيها .