عرض مشاركة واحدة
قديم 30/07/2009   #17
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


اقتباس:
كاتب النص الأصلي : W.E.G.A عرض المشاركة
يعني قولك علي بكتب التعليم الذاتية
والافلام والقاموس
بس سؤال الوقت الي اخدته لتتقن اللغة كم
إتقان أي لغة أمر وهمي... حتى أبناء العرب مانهن متقنين العربيّة فبكل سطر في خطأ نحوي وإملائي وصرفي... إلخ. ووجود أخطاء هو ضد الإتقان. من الضروري تعرف أنو الإيطالي المولود بإيطاليا يخطئ قواعدياً خلال الحديث، وممكن يستعمل كلمة في غير موضعها. ممكن نتحدث عن معرفة اللغة ودرجة المعرفة، وهي على أنواع: في منها يختص بالمحادثة وفي منها بالترجمة وفي منها بالتحليل اللغويّ... إلخ! فإذا كنت تحب المحادثة والفهم العام هاد أمر بسيط، وإذا حبيت تتعمق أكتر باللغة - بعد ما تتعلم أكتر من 50 بالمية من قواعد اللغة- ضروري تبلش بالترجمة، هالشي رح يساعدك على الدخول بمنطق وعقلية اللغة، لأن للأسف بتشوف ناس بيتعلموا لغة ويترجموا لغتن الأم مجرد ترجمة وهاد خطأ كبير.

باختصار ما في وقت محدد... هالشي بيعتمد على كمية الوقت المكرسة للتعلم، مثلاً: إذا كرست من كل يوم فيلم واحد مع فهم جميع الكلمات (ممكن كل يومين أو تلاتة)، ودرس قواعد واحد (يومياً) مع حفظ القواعد (هاد بالبداية لمدة 6 أشهر) هالأمر بيتطلب بين 5 و6 ساعات ومو بالضرورة تكون متواصلة! درس القواعد لازم يكون متواصل مع استماع وأمثلة!

في عدة مناهج تعلم الإيطالية باللغة العربيّة مع كاسيتات تسجيل أو سي دي، من المفضل تبلش بمنهاج عربي. بعد ما تختم منهاج واحد وخلال هالمسيرة يكون حضرتلك أقل شي 15 فيلم، رح تشعر حالك دخلت شوي شوي بمنطق اللغة، طبعاً بدون نسيان القاموس المرافق.

بعد هالمرحلة وحسب درجة الاستيعاب ممكن تنتقل بكل بساطة لمناهج تعلم الإيطالية باللغة نفسها، هون الأصعب لأن رح تضطرّ تفهم اللغة باللغة نفسها مو بلغتك أنت ولا بعقليتك أنت!

إذا كنت مصرّ وحابب وعندك وقت واتبعت هالبرنامج خلال سنة واحدة ممكن تبلش تعلم اللغة للمبتدئين! ورح يكون بمقدورك التواصل مع أي إيطالي بكل سهولة .

Mors ultima ratio
.
www.tuesillevir.blogspot.com
  رد مع اقتباس
 
Page generated in 0.03118 seconds with 11 queries