[saman]

مرحبا ...

من فترة شي اسبوع كانت شغالة حملة تسكير مقاهي الانترنت بسورية وخصوصاً في دمشق ... وبالمنطقة يلي انا بقعد فيها تسكر 5 مقاهي والباقي عالطريق ...

المهم وبلا طول سيرة .. ليش اتسكروا هالمقاهي ... السبب وبكل بساطة انو منزلين برنامج كسر بروكسي على كل الأجهزة لفتح الفيس بوك ... هي اولاً .. تانياً ما عم ياخدو المعلومات الشخصية للشخص يلي عم يقعد بالمقهى .... ثالثاً فتح مواقع محظورة كـ أخوية والفيس بوك واليوتيوب !

وهادا الشي كلو باسم الحفاظ على أمن البلاد ... بالمقابل ... شبكة سيرياتيل .. اتصلت فيني واخدت معلومات عني ... بشعار " اخذ معلومات عن عملاء الشركة " .. بس سألت كل العالم ازا حدا اتصلوا فيه قال لأ !

اضافة .. اني قاعد بكافي .. سبحان الله عم بتنبؤوا اني فاتح المنبر او قسم السياسة وعم اقرا ... و تم تنبيهي اكتر من مرة .. انا هلأ عم اكتب الموضوع ... ومتوقع بايا لحظة ينطط فوق راسي ويقلي سكر الصفحة ....وبيسألني شو اسم الموقع .. بقللو أخوية ... بيقللي والله متزكر انو رجال الامن قالولوا انو محجوب !

اضافة لكل هالشي في برنامج امر رجال الامن بتنزيله في جميع المقاهي .. وهوي عبارة عن برنامج متصل بالاجهزة الامنية لمراقبة اي شخص يدخل وشو عم يفتح وشو عم يحكي عالنت ... قا بعرف حالي مراقب لما عم احكي هالحكي ....

يعني بزمتكن (ازا كان عندكن زمة يا رجال الامن) متوقعين انو هادا اسمو امن !
يعني لما تنتهكوا خصوصية المواطنين وتراقبوا كل شي عم بيفتحوا عالانترنت شو ما كان يكون هاد اسمو امن !!


بس بيعين الله !