اقتباس:
كاتب النص الأصلي : ظل جيفارا
مرحبا شباب كنت بدي إسأل شوية اسئلة بدون ما يكون عندي اي تدخل ويا ريت الكل يشارك برأيه لإنو كتير بيهمني
1- بتتوقع انو المعارضة السورية كتلة متجانسة .؟
2- بتتوقع انو السلطات السورية كمان كتلة متجانسة .؟
3- شو الحل لإخراج سورية من ازمة التخوين والإتهام المتبادل بالعمالة ما بين العمالة للبعث او النظام او الأجهزة الأمنية أو .... وما بين الإتهام بالعمالة للخارج
يمكن ممكن وضع خط وطني بحيث من يلتزم بالخط رجل وطني ومن يخرج عنه عميل ؟
انا طبعا رح جاوب عن اسئلتي ورح حاول استخدم اسلوب الذات ونقد الذات بنفس الرد .
يعني اكيد كل واحد فينا بيقدر يطرح وفكرة واذا حب بيقدر يقدم وجهة النظر المناقضة حسب تفكيره يا ريت كلنا نستخدم هالطريقة
يعني من قبيل ما حدا ينقدني بنقد حالي بحالي ... 
يا ريت كلنا نتعامل بهالإسلوب لإنو الأزبط لعدم الخروج عن الموضوع
وتحياتي الحارة
ظل جيفارا |
شكرا على موضوعك لانو فعلا في كتير محاور للنقاش
اولا انو المعارضة متجانسة؟؟ اكيد لا يعني برايي المعارضة اللي بالداخل على ضعفها وقلة حيلتها فهي افضل حالا بكتييير من المعارضة اللي بالخارج واللي اكلت ضربتين قاضيتين برايي اول وحدة ظهور الامعة المسمى الغادري واللي صور المعارضة كلها بصورة العمالة لاميركا واسرائيل وكلو لمصلحة النظام والضربة التانية انضمام خدام لصفوف المعارضة والغلطة القاتلة والقراءة الخاطئة للاخوان المسلمين متل العادة بقبول رجل ذو تاريخ اسود متل خدام بينما معارضة الداخل بتضم رجال نضاف الكف والضمير متل رياض سيف ورياض الترك وغيرن وهني برايي المعول علين ياي تغيير مقبل بسوريا
تانيا هل النظام متجانس؟؟ بظن اي ولو كان الجواب لا ما كنت شفت سوريا هلق 38 سنة تحت حكم واحد يعني كل السلطات التنفيذية والتشريعية والامنية بيد رجل واحد هو بشار الاسد وما في حدا بيقدر يقلو لاء ولو كان في اي رجل باي منصب كان عندو نفوذ وسلطة على الاقل موازية لبشار لكان عمل علي انقلاب فورا
اما دائرة التخوين اللي عم تحكي عنها فهون اسالك سؤال برايك شو اللي بخلي انسان سوري عايش بسوريا ومكتوي بنار الفقر و القمع والفساد وكل شي عم يشوفوا حوالي يجي يقلك سوريا جنة ونحني منفدي بشار بالدم وكل شي تمام وانتو يلي عم تقولوا انو في ناس عم تموت تحت التعذيب وناس عم تموت من الجوع و القهر انتو كلكن خونة وعم تقبضوا من امريكا ؟؟؟ جواب هالسؤال هو نفسو بيقلك مين المسؤول عن دائرة التخوين
اما الالتزام بخط وطني فانا بظن هالخط الوطني لازم يشمل الجميع نظام ومعارضة مو ناس من النظام تسلم على الرئيس الاسرائيلي وهدول من بيت الفرفور ذنبن مغفور واذا شي معارض صرح شي تصريح بصير خاين و عميل
شكرا مرة تانية على الموضوع
