[حنين.]

كاتب النص الأصلي : alaa7r

انا قصدي هون انو الاستعداد للدفاع عن الوطن
بعدو موجود عنا كلنا.
ما بعرف اذا بتوافقيني ؟

انا متفائلة كتير من هالناحية ومعتبره الدفاع عن الوطن غريزة
متل دفاع الام عن ابنائها

اما مسألة التطوير هي انا بعتبرها شي تاني تماما
ويلي عم يخلي هاد الشي قليل كتير
هو الفســــاد الفظيع يلي موجود بكل البلاد العربية
يعني يلي بيعمل باخلاص وبيقول للغلط غلط وبيحاول يصلحو يتم اسكاته
ويمكن يوصل الشي لحد الضرر .
وهاد الشي انا عشتو من خلال تجربة والدي وشفت شو كانت النتيجة.
وكمان يلي بيقوم بش عمل مميز بيكون هدفو يحسن بالوطن ما بيلاقي المكان المناسب يلي رح يحتضنو ويشجعو
وأكبر دليل انو العرب لما بيطلعو لبلاد برة بتظهر امكانياتون وابداعاتون وأكيد السبب هو انو توفرت البيئة المناسبة.

اكيد معك حق وابي الله يرحمو كمان عانا وعانينا معو كتيير
بس لانو ما ساير الموضة "الرشوة وغيرها"
بس كمان ما استسلم وبالنهاية ما قدرو يعملولوا شي
وتاني شيء انا بشوف انو لازم الانسان يحافظ على مبادؤو متل ما يحافظ على حياتو
اتخيل بس لو كل واحد من موقعوا قاوم متل ابوك وابي
ما رح تحسن الحالة شوي؟
اما عن العمل امميز والتطوير يعني
يحترق قلبي لما شوف خيرة ابنائنا بيبنو اوطان الغير
وبرجع احتار
اتقبل انو يهاجرو ليحققو احلامهم
بس ليش ما يرجعو
مو نقص بالروح اوطنية ونكران جميل
للوطن
يعني ما دام قويت حالك ووقفت على رجليك
ما يستاهل هالوطن نتعب فيه شوي؟