[alaa7r]

اكيد معك حق وابي الله يرحمو كمان عانا وعانينا معو كتيير
بس لانو ما ساير الموضة "الرشوة وغيرها"
بس كمان ما استسلم وبالنهاية ما قدرو يعملولوا شي
وتاني شيء انا بشوف انو لازم الانسان يحافظ على مبادؤو متل ما يحافظ على حياتو
اتخيل بس لو كل واحد من موقعوا قاوم متل ابوك وابي
ما رح تحسن الحالة شوي؟

معك حق انو الانسان لازم يحافظ على مبادؤو.
يخصوص تحسن الحالة اذا كل واحد قاوم من موقعو هي بنظري ما بتظبط مع الفساد
بزمناتي كنت طالع مع سائق تكسي كبير شوي بالعمر وفتحنا هيك سيره بالنهاية قلي هالجملة
( يا عمي انت اذا بدك تنظف درج بيتكون بتنظفو من فوق لتحت مو العكس )

اما عن العمل امميز والتطوير يعني
يحترق قلبي لما شوف خيرة ابنائنا بيبنو اوطان الغير
وبرجع احتار
اتقبل انو يهاجرو ليحققو احلامهم
بس ليش ما يرجعو
مو نقص بالروح اوطنية ونكران جميل
للوطن
يعني ما دام قويت حالك ووقفت على رجليك
ما يستاهل هالوطن نتعب فيه شوي؟

صدقيني في كتيرين رجعو وبهمه عاليه كمان
بس لما وصلو وبلشو شغل صابتون خيبة امل(اذا صح التعبير).
وبرجع بقلك الروح الوطنيه بعدها موجوده عند كتير ناس بس مافي بيئه ملائمه.