[الهوى سلطان]

كاتب النص الأصلي : Alshami

أولا ً وقبل الدخول في لب الموضوع

إستغربت من امر اشد غرابه من موضوعك عزيزي ....!!! موضوع كهذا عليه رد واحد من شخص واحد فقط؟؟ مع العلم ان بعض الأعضاء الأكارم له في اليوم مايقارب ال50 رد او ال7 مواضيع .......غريب ..........!!!!!

المهم نرجع إلى موضوعنا ....
زيادة عدد المشاركات لاتعبر عن قدرة العضو على التميز والعطاء .... وقله عدد الردود لاتعبر عن ان هذا العضو عضو غير فاعل .... قد تكون له 5 مواضيع حساسه تغني عن ألف رد مبهم ....

الردود غالبا ً أصبحت (شكرا ً,موضوع رائع , شي بجنن , يسلموووووووووو) ومع مد الحروف وانتشار الابتسامات التي عبر فيها العضو الكريم عن رأيه بشديد الإختصار .......!!!!

حتى انا وقعت في هذه المصيدة ولا انكر ذلك .....
لكن لاحظت وجود اعضاء ماشاء الله حتى عدد الحروف في رده لا يتجاوز ال8 وأظن ان جملته حتى محفوظه عنده على الجهاز فقط بحاجه للسرعة كي يقوم بالنسخ واللصق ....

والاغرب.......... الاغرب أن تجد موضوع يحتاج لنقاش عميق .... ويأتي أحدهم ليقول لك الموضوع مهم الموضوع حساس ........... لو لم يكن حساس مهم لما طرحته اصلا لكن ناقشني في ذلك ...!!!!!!

ولا أظن أن العضو يتميز بكثرة ردورده فالمسأله كيف وليس كم ......

ماهية المواضيع هي المهمه وليست كميتها ....

على كل الاحوال الكل حر برأيه ولكن إن كنا نريد ان ترقي بالمتتدى ونرتقي بحوارنا لحوار يليق بالمثقفين علنا فكرنا مليا ً بالامر .......

الموضوع يطول الحديث عنه .... ولكن كي لايمل القارئ ويقول (هاد عم يتفلسف وهو عدد ردودو من فوق ال1000) اكتفي بهذا القدر .....

عذرا ً من الجميع لم اقصد احدا ابدا ....... وابدء بالنصيحه لنفسي قبل غيري

دمتم بكل الود والاحترام

عزيزي مشكور اولا للمرور

ثانيا لا تستغرب فمن نمر هذا النوع الكثير
لو ان الموضوع عن شئ تافه او موضوع بحاجة الى سخرية لوجدت الموضوع يتراقص من الردود
اما لانه موضوع نقاشي لم يدخل عليه احد بل لم يجرأ ان يكتب فيه كلمة واحدة

اضف الى ذلك عزيزي كما اسلفت انت بان معظم الاعضاء للاسف عندنا يكتفون بكلمة شكرا يسلموو
موضوع مميز .... الخ طيب سؤال لي شكرا ؟ ليش يسلمو ؟ ليش موضوع مميز ؟
شو شفت بالموضوع الفلاني شئ مميز حتى تقول موضوع مميز ؟

ايضا بالنسبة للموضوع الحساس فتجده فعلا كما قلت يقول لك يا اخي والله موضوع حساس وخطير
فعلا لو مو حساس انا ما طرحتو طيب شو الحساس فيه للاسف بيسكت طيب ناقش بتلاقيه وكأنك صرخت عليه
وبلش يخبص بالحكي ويجيب من هون ويحط هناك

وللاسف ان هناك بعض الاعضاء الجدد يطرحون بعض المواضيع التي تخلو من اي نوع من الفائدة حتى ان وضعناها
في خانة السخافة سوف ترفضها السخافة لشدة سخافتها
بتنتقد الموضوع بيحكيلك طارح الموضوع لك ليش عم بتخربوو علي انا جبتلكو موضوع مهم وانتو بلشتو تخربو
تحكي جاب نظرية جديدة بالفريزياء او حل معادلة معقدة بالكيمياء

المشكلة الاخرى هي بالموضوع تجد ان القسم يمتلكه فلان من الناس فقط
يعني بمعدل 5 الى 10 مواضيع بينقل باليوم وبحط بخلقتنا شي بتفهو وشي ما بتفهم شو بابو من محرابو

ولا والادهى من هيك انو في ناس صارت تتغنى بمشاركاتها الي بيحكيلك انا صرت زعيم والي بيحكي انا قبضاي

..... الخ

مشكلة كبيرة جد وياريت نشوف التفاعل فيها
نكون لمرة وحدة صريحين مع نفسنا
المشكلة انو في بعض الاعضاء بدك تناقشهم بصير يخبص او يحط كلام فيه كفر او كلام يدل على اخلاقو
هيك ما بتقدر تناقشوو لانو سفيه والسفيه اتركو بيسكت لحالو

جد يسلموو اخي وياريت نتخلص من هل المشكلة باقرب وقت والله
ان ضل هيك الوضع كلنا رح نخسر

تحياتي الك