اقتباس:
كاتب النص الأصلي : يا نااااس
مو تكرم عيونك
كان واضح اني ناقشت بطريقة غلط
بعتزر
هلأ فيك تحكيلي شو هو السبب بنظرك اللي بيخلي البنت تلبس لبس فاضح ومغري
ازا كانت محترمة
|
شايفة هيك ما أحلاكي... منجي للنقاش هلئ:
أول شي موضوع الباس الفاضح والمغري هو موضوع نسبي بيتعلق بالأشخاص والأماكن بمعنى:
مرأة بدون حجاب + فستان صيفي سبور بسوريا يعتبر وضع عادي وأقل من عادي أما اذا نقلنا نفس هالمرأة عالسعودية بيكون وضع غير طبيعي بحكم فرق البيئة المحيطة..
بنت لابسة بكيني عالبحر وضع طبيعي أما بنت لابسة بكيني بالشغل وضع غير طبيعي وين ما كان.
من هالمثالين حبيت وضحلك انو تقييمنا للأمور لازم يكون تقييم منطقي مبني عل فهم أبعاد أي موضوع قبل ما نحكم عالقصص ونقييم الصح والغلط..
من نفس هالمنطلق بدي ياكي تفهمي انو انتي يلي بتشوفيه لباس فاضح غيرك ممكن يشوفو طبيعي وغيرو ممكن يشوفو لباس محتشم..
بالنهاية لازم نعرف انو بعمرو ما كان اللبس مقياس للشرف.. ومافينا نقول عن كل وحدة لباسها محتشم كتير انو هيه محترمة ولا عن كل وحدة لباسها "فاضح على قولك" انو هيه سيئة.. التعميم لايجوز بهيك قصص وعندك بالحياة أمثلة كتير بتورجيكي عدم صحة وجهة نظرك أبداً...
وياهلا.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!