أم اللوووووووووووول ... يعدمني ياكي الهي ... يا شحارك من ظلام ليلك بس تشوفك ...
يا محلا اسئلة ماهر افندي على هوا اسئلتك ..... يعدمني ياكي يا زهووووووووووور ...
ايه منقول يا رب ... ( وربي ياخدك الهي .. )
اقتباس:
|
1. لمحة شخصية عنك ( اسمك, اصلك , وين ساكن , شو بتعمل بحياتك ............... الخ )
|
اسمي اسامة وبنادولي ابو فرج سابقا و أبو الكسي حاليا .... انا سوري وآه يا نيالي ... والله يا أم اللول عم ادرس و اشتغل .. عم دفش بهالحياة ... بدنا نعيييييييش ... وخليها على الله ...
اقتباس:
|
2. وين برأيك احلى روسيا ولا سوريا ؟ ووين بتلاقي مستقبلك ؟
|
بقول شوقي ...
نقل فؤادك حيث شئت من الهوى ما الحب إلا للحبيب الأول
كم منزل في الأرض يعشقه الفتي وحنينه ابدا لأول منزل ..
وبقول الشاعر اللي ما بعرف من وين قرعة ابوه ...
بلادي وإن جارت علي عزيزة وأهلي وإن ضنوا عليي كرام ...
ما في شي معين ... بحب اقرا كل شي ..
بحب من الشعراء جرير والمتنبي و نزار .. ومن الأدباء جبران خليل جبران ...
بحب الكتب العلمية ..متل موسوعات المعرفة والفيزياء المسلية .. وهيك شغلات ... شي الواحد يشغل مخو ...
بهالحياة اكتر شي بحبو الرياضة .. بمووووت على شي اسمو رياضة ...
اتدربت كاراتيه اكتر من سبع سنين .. ( ايوااااااااااااا ... ديروا بالكن على حالكن ... )
بحب ارقص وادبك ... بحب الدبكة كتير ...
كنت حب شي اسمو ثقافة دينية ..... وكنت عم حاول ثقف حالي بالهالاتجاه ... بس بالأخير لقيت انو الدين اعمال .. الدين كيف بتعامل هالناس ...الدين هو محبة ..
و ما فيني عيش بلا مو سيقى .... بعشق الموسيقا الهادية .. بحسها قريبة من قلبي كتير
كل الناس خير وبركة ...
كل واحد الو الشي اللي بميزو ... وكلن بحترمن وبحبن ... و إن شاء الله منتعرف عليهم اكتر واكتر
اقتباس:
|
. ليش على طول بتسأل الواحد اديش نمرة رجلو؟
|
والله لما اجيت بدي شارك اول مرة بالمقلاية كانوا الشباب هارينو هري ليلي كان عم ينقلى ما مخلين شي ... ناكشينو نكش من راسو لرجليه .. ما طلع معي غير هالسؤال .. والله محيي الثابت ..
اقتباس:
|
. وقت بتكون معصب شو بتعمل لحتى تروق
|
لما كون معصب .. بحط هالام بي تري بليير بأدني وبطلع امشي .... بمشي كتير ... لحتى روق ... بسمع شي ترتيلة ... شي غنية حزينة .. بكتبلي شي خربوشة بفش خلقي فيها .. .
اقتباس:
|
8. لمين بتسمع اكتر شي من المطربين
|
بحب اسمع لفيروز وميادة بسيليس .. أبو وديع ووائل جسار وكفوري وفارس كرم ... .. بسمع كل شي تقريبا ...
(مدينة الملائكة ) و ( قسطنطين ) و( آلام المسيح ) وبشكل عام بحب افلام جاكي شان و نيكولاس كيدج وميل غيبسون
اقتباس:
|
. شو شعورك هلأ بهاللحظة ؟
|
هههههههههههه ... لسا بكير على شعوري هلأ ... ادامي لسا اسئلة الغليظ ويلي و سميرت و اللي الله باليني فيه ماهر افندي ... بعدين إذا ضليت على قيد الحياة .. يا بقوصك يا بقوص حالي ...
