اقتباس:
كاتب النص الأصلي : Raw
يعني إذا بكون نبي و حدا بينتقدني بدي إزعل منو
|
بالله جد؟؟ يعني قمة المسخرة لما الحكومات تزعل من الشعب اذا انتقدها... لانو هالشعب هاد لما ينقد من محبتو ببلدو على اعتبار انو هي مو بس بلد الجكومة... ووقت الحكومة ماتحمل نقد الشعب وماتقدر تتعامل مع هالنقد وتاخدو بعين الاعتبار وتصحح الخلل بكل العالم بتضب غراضها وبتمشي...
اقتباس:
|
بئا إختنا عم تنتقد الحكومة و ما بدا حدا يزعل منها
|
إختنا على حسب مو وارد بالخبر حالتها النفسية غير مستقرة وعلى فرض حالتها طبيعية عيب على الحكومة المحترمة تزعل من كل مواطن بيفتح تمو بكلمة وتحطو بالسجن...
قلتلي لكن منيح ما أخدوها على بيت خالتها؟؟ هيك صار الوضع الطبيعي عندك "الستاندر" يلي بيفتح تمو شب.بنت.إستاذ.طالب.دكتور.مهن س.ختيار.ولد.. لازم ياخدوه على بيت خالتو؟؟ لكن برافو عليك خليك عم تهتف وبرات بيت خالتك...
اقتباس:
|
و منيح منهن بعتوها عالمشفى أحسن ما يبعتوها على بيت خالتها
|
مابدي قلك لو اختك محلها هيك بيكون رأيك.. ولا بدي قلك انشالله حدا بيقربلك يكون بنفس الموقف لشوف كمان هيك بتكون ردة فعلك؟؟ بس بدي قلك أكبر عيب بالدنيا وقت الواحد يوقف مع الظالم بوجه المظلوم... ومع الباطل بوجه الحق ... ومع السجان بوجه شعبو... فـ عيب عليك يعني.. اذا مو بشي فإنسانياً بالحد الأدنى...
اقتباس:
|
خلص يعني ما بئا نفهما ؛؛ الحكومة مو علكة لحتى عالطالعة و النازلة نسبّ فيها ؛؛ في طرق حضاريّة أكتر من هيك
|
عدلنا خمسة... ولاقلك تلاته من هالطرق الحضارية يلي حكومتك بتقبلها بالنقد بدون ماتزعل "تزعل قال كأنو عم نلعب طابة بالشارع... كيف حكومتك المحترمة ممكن تقبل رأي أفراد الشعب فيها بدون ما تنزعج؟؟؟
بشرفي عيب على هالزمن يلي حتى البنات والنسوان صارو يتجرجرو على فروعة المخابرات وأصحاب النخوة والرجولة يسكتو ويهللو فوق البلا... ياعيب الشوم
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!
|