عرض مشاركة واحدة
قديم 29/05/2009   #7
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


عدنا الرد لأنو ما طلع كامل:

اقتباس:
كاتب النص الأصلي : Raw عرض المشاركة
يعني إذا بكون نبي و حدا بينتقدني بدي إزعل منو
بالله جد؟؟ يعني قمة المسخرة لما الحكومات تزعل من الشعب اذا انتقدها... لانو هالشعب هاد لما ينقد من محبتو ببلدو على اعتبار انو هي مو بس بلد الحكومة... ووقت الحكومة ماتحمل نقد الشعب وماتقدر تتعامل مع هالنقد وتاخدو بعين الاعتبار وتصحح الخلل بكل العالم بتضب غراضها وبتمشي...

اقتباس:
بئا إختنا عم تنتقد الحكومة و ما بدا حدا يزعل منها


إختنا على حسب مو وارد بالخبر حالتها النفسية غير مستقرة وعلى فرض حالتها طبيعية عيب على الحكومة المحترمة تزعل من كل مواطن بيفتح تمو بكلمة وتحطو بالسجن...

قلتلي لكن منيح ما أخدوها على بيت خالتها؟؟ هيك صار الوضع الطبيعي عندك "الستاندر" يلي بيفتح تمو شو ماكان لازم يروح عالسجن؟؟


بعدين غريب شو حامل هم الحكومة وزعلها حضرتك "تزعل كأنو لعبة طابة لاشارع" ومو حامل هم شعبك الهلكان من تصرفات هالحكومة وأجهزة المخابرات...



اقتباس:
و منيح منهن بعتوها عالمشفى أحسن ما يبعتوها على بيت خالتها


مابدي قلك لو اختك محلها هيك بيكون رأيك؟؟ ولا بدي قلك انشالله حدا من قرايبينك بيكون بنفس الموقف لشوف شو ردة فعلك... بس بدي قلك عيب هالحكي وأكبر عيب لما خوفك بيخليك تهلل للظلم...
يعني بهنيك على نخوتك وشهامتك يلي حتى إعتقال بنت عمرها 20 سنة ما أثر فيك ولا خلاك تقلع عين إبليس بشي كلمة بإحساس وطني أو إنساني؟؟؟
اقتباس:

خلص يعني ما بئا نفهما ؛؛ الحكومة مو علكة لحتى عالطالعة و النازلة نسبّ فيها ؛؛ في طرق حضاريّة أكتر من هيك
عدلي خمسة.. ولا قلك تلاته من هالطرق الحضارية يلي مابتزعج حكومتك من الشعب اذا فتح تمو بكلمة... غريب الرعب يلي وصلنا لهون... لك وصلت معك لمرحلة حامل هم الحكومة ما تزعل ومو حامل هم هالناس...

عيب وتقطة عالسطر.

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
 
Page generated in 0.04312 seconds with 11 queries