اقتباس:
بس انت كاتب بتعليقك انو الحق على نظام التعليم ... و انا بوافقك هالحكي
بس برأيك كمان نظام التعليم الفاشل هوي السبب بشهرة نانسي عجرم ؟؟؟؟
|
معلم شهرة نانسي عجرم وشهرة هيفاء ما بتوقع انها شغلة سيئة (طبعا ماني عم قول انها شغلة منيحة ولازم كل واحد يعرفهون)
بس يعني هيي شغلة طبيعية انو ينشهر ممثل او مغني
اقتباس:
برأيي الحق ع حكوماتنا الحقيرة
الحق ع الاعلام العربي التجاري يللي بيهمو الربح السريع
و الحق ع اهالينا يللي بيخوفونا من كل شي باسم الله
|
يا سيدي بس تصير خرج تتسمى حكومة ساعتها انا بوافقك وبحط الحق عليها
الاعلام
كل ما بتفتح محطة بتلاقي عليها مثلا صلاة
بتقلب محطة تانية بتلاقي عليها غنية لوحدة متشلطحة عالارض
صار عنا مغنيين اكتر من ما عنا شعراء اكتر من ما عنا دكاترة اكتر من ما عنا مهندسين
هلق في عنا شوية برامج على هالتلفزيون فيها شي من التثقيف
بس عم تكون شي بملل مافيها شي بشد
ولو انو برأيي الطريقة الافضل هيي القراءة مو التلفزيون
وشغلة الله يا سيدي الاهل والاعلام والمدرسة والرئيس والوزير والدنيا كلها بتقلك الله والله
ما بصير تعمل هيك مشان الله
اي شو هالرب هاد اللي ما بتقدر تعمل شي لانك بتخاف منو
لسى واحد بيطلع عالتلفزيون بقلك سوريا الله حاميها بقوم بخرس الشعب فيها مشان ما يسترجو يحكو شي "خوفا من الله"
يعني بتوقع الاهل كمان الهون دور كبير بشغلة انو يخلو ولادهون يتعودو على القراءة (مع شغل المدرسة)
هلق لقلك وقت انا كنت شي عشر سنين او هيك شي كنت طبعا متل اي واحد بعمري ادرس دروس المدرسة وعلى التلفزيون دغري وقضي نهاري عليه
بس كانت امي من وقت لوقت تجيب كتاب واحد الها وواحد الي تقلي ما بتروح لتقرا من عشرة لعشرين صفحة (طبعا انا بوقتها قول يلا عشرة صفحات وبهرب) بس كنت بلش بقرايت الكتاب ضل شي ساعتين انا وعم اقرا فيه للكتاب
وكان عندي كام موسوعة بالبيت كنت من وقت لوقت بحبش بيناتهون
طبعا انا مابقرا كتير بس بأكدلك اني بقرا اكتر من 8 دقايق بالسنة
يعني شي 10 دقايق
يعني اللي بقصدو بنظري دور الاهل والمدرسة بهالشغلة اكبر من دور الحكومة والاعلام