اقتباس:
كاتب النص الأصلي : almurtaja
برجع بقول خليكون عمتشوفوا الامور من جانب واحد أو انتو بتشوفوا النص الفاضي من الكاسة بس
والله ليك بكل شغلة دائمافي ضحايا أبرياء وممكن يكون البرفيسور عارف دليلة منون ... يمكن ماحدا بيعرف
ومنشان ولاد عم الرئيس فبظن هدول راحت عليون من زمان وماعاد طلعلون حس غير رامي مخلوف اللي عميشتغل بالتجارة مو بالسياسة ومتلو متل كل التجار بالبلد بيشتغل لمصلحتوا الشخصية طبعا
وبعدين الرئيس غير فاشل بس رح جبلك المثال الخارجي انو حاليا كل الدول الاوروبية والعالمية عمتتقرب من سوريا
للحديث بقية راجعلك
|
انو كيف يعني بس نشوف النصف الفارغ من الكاسة؟ ما فهمت عليك يعني.. انو عارف دليلة بالسجن بتقلي بيجوز ضحية بريئة و نقعد و نسكت؟ طيب ليش بالسجن هو و غير و و غيراتو؟ ليش السجون معبية سجون سياسيين من شباب هالمنتدى و انت طالع؟ ليش نص الانترنت محجوب؟ ليش الشام القابضة (تبعيت العصامي رامي مخلوف.. الرجل المعجزة) ماسكة نص البلد و كل مين قال ليش أخدوه عالفي؟
عن جد انو يا زلمة احكي بمنطق... يعني شفتلك أكتر من رد و عدم المؤاخذة حاسك عم تستهبل العالم شوي.. انت بتعرف انو هالمنتدى محجوب بسوريا؟ اشرحلي السياسية الحكيمة تبعيت حجبو لنشوف هات