[almurtaja]

كاتب النص الأصلي : yass

انو كيف يعني بس نشوف النصف الفارغ من الكاسة؟ ما فهمت عليك يعني.. انو عارف دليلة بالسجن بتقلي بيجوز ضحية بريئة و نقعد و نسكت؟ طيب ليش بالسجن هو و غير و و غيراتو؟ ليش السجون معبية سجون سياسيين من شباب هالمنتدى و انت طالع؟ ليش نص الانترنت محجوب؟ ليش الشام القابضة (تبعيت العصامي رامي مخلوف.. الرجل المعجزة) ماسكة نص البلد و كل مين قال ليش أخدوه عالفي؟

عن جد انو يا زلمة احكي بمنطق... يعني شفتلك أكتر من رد و عدم المؤاخذة حاسك عم تستهبل العالم شوي.. انت بتعرف انو هالمنتدى محجوب بسوريا؟ اشرحلي السياسية الحكيمة تبعيت حجبو لنشوف هات

والله انا ماني بالحكومة أو بالأمن لحتى جاوبك عن هيك أسئلة هلأ أنا ماني مع كلشي عمبيصير بالبلد أكيد وعندي كتير شغلات بنتقدا بالبلد و أولون رامي مخلوف بس رامي متلو متل التجار الكبار اللي كانو قبلو كان كلشي بايدون وهلأ الزلمة اجا وقتوا وعرف يستغل الوضع يعني متلو متل بقية هالتجار و أكيد استغل القربة من الرئيس بشكل خاص ويفيدوا

بالنسبة للمنطق أنا هادا المنطق اللي شايفوا صح وكل واحد والوا وجهة نظروا بالأمور يا حبيبي وأنا لاني عمبستهبل حدا ولاني عمبتضحك على حدا ببساطة هادا أنا وهي أفكاري واللي حبو أهلا وسهلا واللي ما حبو كمان أهلا وسهلا لأني أنا بحب كل واحد يعبر عن رأيوا ولو ماني هيك ماكنت بفوت على هالموقع الحلو

بس الظاهر الأمن عنا بالبلد عندو وجهة نظر تانية بالنسبة للموقع يمكن لأنو حسب ما عرفتانو بصير شتم وذم للرئيس وأنا برأيي الرئيس مالازم ينشتم بأي حال من الأحوال لأنو هي مااسمها ديمقراطية