تررررررررررررن ترررررررررررررررن
(الهاتف الارضي عم بيرن )
الرقم المتصل : (--0--)
(منرفع السماعة ومننطر كم سانية )
السلام عليكم
10.000.000 $
نعم 10.000.000 $ !!!
كل ذلك مقابل :
اذا كنت تملك اي اسرار او معلومات عن مفقودين اسرائيليين في لبنان !!
اتصل على الرقم التالي
انكلترا : 8080808 208 44+
نكرر (بيعيد الرقم مرة تانية )
او على موقع الانترنت : 10million.org
مرة أخرى (وبيعيد الموقع مرة تانية )
لمزيد من التفاصيل اضغط الرقم " 1 "
(كبسنا الرقم "1 ")
سنتصل بك لاحقاً .... وينتهي الاتصال ......
-----------------------------------------------------------
طبعاً سمعنا انو هالشغلة عم تصير بلبنان وبكثرة ...!!
بس هلأ الجديد انو صايرين عم يتصلو لهون على سوريا !!!!!! .... يعني انا مبارح قاعد بأمان الله مع هالشوبات (طبعاً مطفية الكهربا ) واذ بيرن التلفون وبيصلني هالتصال وطبعاً هوي عبر مجيب آلي .....!!
انا ضليت مصدوم شي نص ساعة .. بعدين لبلشت فكر فيها !!!
انو مثلاً ليش ليتصلوا هيك وما لقوا غير رقمي (طبعاً سؤال بايخ بس بينسأل ) .... طيب هلأ متوقعين انو ايا مواطن عادي بسورية بيعرف اسرار خطيرة من هالنوع (شو هالغباء ) !!!!
الغريب بالموضوع انو ليش ليتصلوا ع سورية .. وع الشام بالزات مثلاً ... انا بصراحة اول مرة بيجيني اتصال من هالنوع ....واول مرة بسمع انو عم يتصلوا بناس سوريين متل ما عم يتصلوا بلبنان !!!
هلأ نطرت انا بعد الاتصال للمسا لشفلي شي شغلة بالاخبار .... واذ بتفتح عالمنار بتلاقي تقرير عن هالقصة و عن هالتصال الغريب ... (بس طبعاً بلبنان ) واحد يلي بيشتغلوا بقناة المنار (الاعلامي ضياء ابو طعام ) بيتصل على هادا الرقم تبع انكلتري وبيسألوا عن هالقصة .. بس المشكلة انو التقرير يتبع .......!!!
هلأ بدي اسأل كمان ... بتوقعاتكن ... ممكن يكون في حدا بسورية بيملك هيك معلومات عن هيك ناس (قصدي عن المفقودي الاسرائيليين ) !!
او ممكت حدا يتنادل (طبعاً اذا كان عندو معلومات وهوي سوري ) يسلمها لالهن ويقبض هيك مبلغ .... واسرائيل تعطيه ياه عن طيب خاطر !!!
طيب هلأ كيف قدروا يتصلوا لهون ع سورية ... يعني معقول صار في اختراقات بشبكة الاتصال لحتى قدروا يتصلوا .... !!
كمان انا فتحت الموقع يلي قايلين عليه (محجوب عالدايل اب) .... ولقيت فيه :
اقتباس:
جائزة بقيمة $10.000.000
سير عملية التحقق منالمعلومات وتحويل المال
. سوف نقوم في حال ورود المعلوماتبالتأكد من صحتها حيث يجب أن تحتوي على دليل قاطع يؤدي الى كشف مصير رون أرادويهوداكاتس وتسفيفيلدمانوغايخيفر
تحويلألأموال
.سيتم تحويل الجائزة المالية بطريقةمنظمة ومؤمنة وفائقة السريةوعلى الطريقة التي تراها مناسبةوملائمة لك
المال مضمون
ان الجائزة المالية متوفرة بقيمتها كاملة, يضمنوهاداعمو المشروع وستسلم عند تزويدنا بمعلومات دقيقة عن رون أرادويهوداكاتس وتسفيفيلدمانوغايخيفر.يستلم جائزة ال- 10.000.000 دولار من سيقوم بتزويدنا بمعلومات حديثة وموثوقبها يمكن التأكد من صحتها.
|
يعني بتوقع انو الاسرائيليين يا اغبيا يا عم يتغابوا اذا عم بيفكروا بهالطريقة البدائية !!!!
بالفعل غريب !!!