هلا بما انو الحشمة تعبير مطاط وبما انو كل واحد على كيفو بيقرر ايمتا بتكون البنت "فاضية من جوا"... وفي آراء لهجتا قوية بحيث انو لازم هيي الي تتطبق عالمجتمع(ليش....؟ لازم.....؟ المفروض.....! الخ الخ).... فخليني زت انا كمان رأيي بين هالآراء، ليش لأ؟ هادا رأيي الشخصي....
انا بشوف أنو كل واحد بيعارض اللبس الضيق واظهار المفاتن، بيكون السبب :
- لأنو مو كل البنات الي بيلبسو ضيق بيكون جسمن عم يعجبو لهالشب، يعني لازم يكون جسما مفصّل بحسب ذوقو يا إما خليها تتستر وما تعكر مزاجو.
-أو بيكون مب**ص لانو مستحيل هيك بنت تتنازل وتحكي معو.
- او أنو اذا قرّب ليحكي مع هيك بنت رح يفوت بالحيط، لأنو مافيه إلّا ما يتطلّع على هدوك المناطق وبينشلّ تفكيرو وينربط لسانو وما يعرف يحكي معا كلمتين على بعض....
- واحتمال يكون السبب انو بزماناتو حبّ بنت كان لبسا عادي جداً، وبالأخير اكتشف انو هالبت كانت (ماشية على حدّ شعرها
) فهادا الشب أخونا ماعاد يعرف أينا بنت بتناسبو، واختلطت المفاهيم عندو (خرجو الله لا يقيمو!! كذا مرّة قلنالو لا تحكم عالناس من خلال المظهر)
- او لانو بيكون فايت كذا مرة بعمود او حيط أو عرباية خضرة وهو عم يبحلق بهالاجسام الحلوة
-----------
عالهامش:
اسمعو يابنات... واتذكروا هالحكي منيح، انا شايف آخرتها ما رح يضل غير المراية يلي بغرفتكن لتعرضو عليها لبسكن الي بتحبّوه..... بزمتي مافي احسن من المراية، لا بتعترض ولا بتنزعج ولا بتشمت ولا بتقول "ليش؟!"...
اقتباس:
كاتب النص الأصلي : شب الكوبة
هلأ فيه شغلة غلط عم بتصير أحيانا ببعض مجتمعاتنا العربية
أنو في بنات بتصير ع أساس تقلد مطربات و تلبس متل لبسن ... يعني في لبس خاص ببعض المطربات ما بيصير أنو البنت مثلا تلبسو بالشارع أو بالجامعة ...طبعا هاد بغض النظر عن اي اعتبار ديني أة أخلاقي تاني
|
طالما غضيت النظر عن الاعتبارات الدينية والاخلاقية، ممكن تخبرنا ليش "ما بيصير" أنو البنت تلبس لبس المطربات بالشارع او بالجامعة؟
يعني أنا بشوف أحيانا بالجامعة شوفات لبنات لابسين لبس بيخلي الواحد يتساءل إنو هدول جايات يتعلمو او جايات يعملوا عرض أزياء و نفس الحكي بينطبق ع بعض لشباب
يعني شو المانع اذا اجوا عالجامعة للتعليم ولعرض الازياء سوا؟
اذا كان اللبس بيعجبك معناها اجو للتعليم واذا ما عجبك معناها اجو لعرض الازياء مو؟
والأضرب من هيك أنو أحيانا بتشوف بنات "بقرات" لابسين قصير أو لابسين ضيق .. اي العمى بقلبن ما أقرفن
الواحد ممكن يفهم أنو بنت جسمها حلو و لابسة متل هيك لبس بس ليش وحدة دبة حتى تلبس ضيق او قصير .. 
اي احكي هيك من الاول، قول انو لازم تكون مفصّلة تفصيل على مراقك....
عيب هالحكي عيب!
-
haa haaaa haatshuuu!!!!!!!..... Sorry, I'm allergic to bullshit!
Urhoy سابقاً