[SIMON]

هلا قلبتولي ياها وسوف و غيره !!!
يا شباب : البرازيلية استغلوا تقطة الوسوف لحتى يبعدونا عن الموضوع الاساسي
فلا تخلوهم يأثروا عليكن ....
طبعا هنن شافوا انو خلص خسروا الرهان ( لانن مانن قدنا ) فبدن طريقة لحتى يشتتونا و يفرقونا
عن بعض و استغلوا الوسوف لاهدافن الشريرة

أول شي نحنا ما عم نستغل ..أنتو فتحتو موضوع الوسوف و ما نحنا اللي فتحناه...

بعدين نحنا عاملين حلف من اكتر من منتخب مو لانو غيرانين و لا لانو كلنا منحب الارجنتين
نحنا اللي بيجمعنا كره البرازيل ... انا شخصيا كنت شجع البرازيل بالدرجة الثانية
لكن بعد اللي عملوه بالمغرب سنة 1998 صرت اكره كل برازيلي لعب بالبطولة
حتى اني كرهت البرازيل بشكل علم

يعني و الله العظيم لو ما الغيرة دابحتكن لأنو البرازيل أقوى منتخب بالعالم ما كنتو عملتو تحالفات لو
ما كانت كاسرة راس الكل
لأنو لو كانت ضعيفة كان واحد منكن كان بيقدر يواجهنا..بس بعيدة ... نحنا الأقوى و اللي بيقول
غير هيك بيكون صاير لمخو شي ....احكو بالمنطق و بواقعية يا أخي..

و سيمون ما عرف عن شو عم احكي لما قلتلو عن جول ريكيلمي
يا حرام عأساس ما شاف المباراة هه ...
انا قلتلك ريكيلمي و ما قلتلك عكريسبو كيف خردق حارسكن
الله وكيلكن صار متل فتحة السياقات و بلا غطا

لأ أنا شفتها و بباركلك ..و ألف مبروك ...بس ما رح تنعاد بإذن الله..
يعني أنا حابب ذكّرك بآخر مبارة بيننا و بينكن ..بألمانيا شو عملنا بحارسكن
لك شو مصفاية بالفعل متل ما قال العزيز Varon منخل الله وكيلك
و لا تبررلي لأنو كان في ريكلمي و غيرو و غيراتو...و كاس القارات مو حايالله...

varon كتب
بعدين اللي عم ايقول الارجنتين ما لعبو بالتشكيلة هاد الحكي بالمخفر حبيب.....والبرازيل ما لعب لا رونالدو و لا كارلس ولا كافو ....أي شو بدنا انعد لنعد جابو لعيبي ما معروفي و ربحوكون بكل بساطة....
شو بدو يحكي الواحد...
بعدين سؤال بسيط البرازيل كام مرة اخدت كاس العالم؟؟؟
وايطاليا و فرنسا والارجنتين مع بعض كام مرة اخدو اي كلياتون مع بعض ما اد الابطال....

حبيبي انت حضرت النهائي ؟ لو حضرته ما كنت بتفتح تمك
لانو كان معكن 6 اساسيين بالمنتخب الاول
بينما نحنا كان معنا 3 و بالاحتياط ايمار
بعدين انت مانك محلل رياصي ولا من يحزنون ويمكن ما بتعرف من كرة القدم
غير البرازيل و لمعلوماتك اذا جمعنا الارجنتين و ايطاليا و فرنسا بيطلعو 6 مرات
بينما البرازيل 5
لك بيكفي 3-0 مع فرنسا بالنهائي و يا سلام على زيدان لك أخد بتار المغرب و العرب

لا تحكي كان عندكون و ما كان عندكن ....المهم كان في منتخب اسمو الأرجنتين "المنتخب الأول طبعاً"
و هزّأناكم و 4 فاتو و ما طلعو
حاج تحكيلي و الله اللاعب كذا لعب و الاني ما لعب ...ما بيمشي الحال...خلينا بالواقع و شو صار بالضبط..
ولا تتحجّجلي بشغلات فاضية
هوي Varon أذا ما بيعرف فطبول "بالحمصي" و بيعرف البرازيل ..خلص ما عاد بدو شي من هالحياة
لأنو البرازيل هيي أم الفطبول....و اللي بيعرف البرازيل بيعرف كل شي
و ما بسمحلك تتدخل أو تهين أحد الزملاء في الخندق البرازيلي ...إيواه أغّيييييييييي
و متل ما بيقول صياد لا تتغنالي بإنتصارات الماضي"مو هيك صيـــــــــاد "
خلينا بالحاضر

simon كتب
أنو فزلكة نحنا وين ترتيبنا بالفيفا من مدري كم سنة ...شفلي بالله بعدين قللي فزلكة..دخيل ربكم ما بتعرفو تفزلكو يعني حضراتكم..

يا حبيبي ترتيب الفيفا يعتمد عالبرطلة لكن معقول البرازيل تتصدر الترتيب ؟
و التشيك بالمركز التاني !!!! أصلا كتير عليها التاسع والبرازيل العاشر

شوفوا على هالحكي .....ترتيب الفيفا بالبرطلة... إي شو مفكّر أنو الشغلةمتل بسوريا كل شي بيمشي بالبرطلة :P
بعدين الترتيب بيعتمد على المباريات اللي بيلعبها المنتخب و النتائج....على كلّن الأرجنتين بالمركز
التاني على الأغلب مو التشيك ...بترتيب هالشهر عالأغلب..فَ حاج حكي فاضي و ضحك عاللحا..

أهلين بالآغا و بكل الاحباب
شباااب مو ملاحظين انو سيمون و فارون وحدون بالمواجهة تعو ناكلون بلا ملح

لك متل ما قلتلك ..ما رح يمشي الحال معك لأنو واحد مننا إذا كنت أنا أو Varonمنسكّت 500 أرجنتيني
أو فرنسي أو إيطالي...يعني الشغلة مو عالهوى ..لك في رجاااااااال..و أحلى تحية لزميل الخندق
Varon
بعدين شو مفكّرنا لحالنا أنا و Varonلك في وليد و في سيريا مان و في أبو الزيك و في و في و في
كتار ...صحي نحنا بالواجهة بس الشباب التانية ما بيقصّرو. ..
و بالمناسبة أحلى تحية للبرازيلية في كل العالم و لشباب المنتدى خصوصاً

أنا بدكم تعذروني هالشهر لانو خلصت الوقت المحدد للانترنت
بس بوعدكم من الشهر الجاي رح اتصدى اميتين واحد من أمثال سيمون
لا تنسوا التصويت أصواتكم مهمة
إلى اللقاء

تتصدالي ... ههههههههههههههههههههههههه هه
إي أنا ناطرك على أحر من الجمر ....و بأكدلك ..ما رح يطلعلك لا معي و لا مع غيري
باين أصواتكن كتار ما شاء الله ...3 .. نحن الأفضل و أحلى برازيلية
الله معو.....


و بالنهاية بعد جريدتي برد و بقول ................
بــــــــــــــــــــــــ ــــــرازيـــــــــــــــ ـــــــــــــــل و بــــــــــــــــــــــــ ـــــــــــــــــــــــــ ـس