اقتباس:
* العلاقة بين الفقر و الجهل (انعدام أو سطحية الثقافة العامة, المطالعة و الاهتمام بالنشاطات العلمية و الثقافية):
- علاقة وثيقة و مهمة. 17 شخص (35,41%)
- يوجد علاقة إلى حد ما لكن ليس سببا أساسيا. 30 شخص (62,5%)
- علاقة ضعيفة أو لا يوجد علاقة. 1 شخص (2,08%)
- لا أعرف/ لا أجاوب. 0 شخص (00%)
*العلاقة بين الفقر و الأميّة أو شبه الأميّة (انتشار قطاع اجتماعي دون المؤهلات المعرفية الأساسية كالقراءة و الكتابة و مبادئ العلوم الأساسية):
- علاقة وثيقة و مهمة. 21 شخص (43,75%)
- يوجد علاقة إلى حد ما لكن ليس سببا أساسيا. 21 شخص (43,75%)
- علاقة ضعيفة أو لا يوجد علاقة. 6 شخص (12,5%)
- لا أعرف/ لا أجاوب. 0 شخص (00%)
|
نتيجة هالسؤالين تعطيني انطباع انو يمكن صار في التباس بالاسئلة...
الجهل لا يعني الأمية أو شبه الأمية, قصدي من الكلام انو ممكن شخص يكون مانو أمي (يعرف يقرا و يكتب و مبادئ لغة و مبادئ رياضيات و علوم طبيعية... الخ) و يكون جاهل, جاهل بمعنى ما عندو خلفية ثقافية أو ما عندو معلومات عامة استمدها من اطلاعو و متابعتو للمطالعة أو لأنشطة علمية و ثقافية ما. نتيجة السؤال الأول منطقية جدا برأيي, أعتقد في ترابط الى حد ما بين الجهل و الفقر.. هالترابط أخف في حالة الأمية و شبه الأمية و خصوصا في سوريا, لأنو عنا التعليم الزامي و مجاني (على الأقل بالمرحلة اللي تنمحي أمية الشخص).. بس لحتى يبطل يكون جاهل (بمعنى يصير عندو خلفية ثقافية و هيك شغلات) لازم يكون عندو حد أدنى من الراحة المادية يعني مشان يكون عندو حتى مزاج ليقرا أو ليتابع نشاط ثقافي..
لا يعني من هالكلام انو كل فقير هو جاهل, أكيد في فقرا أكثر ثقافة و اطلاعا من نص مليارديرية البلد, بس بشكل عام أعتقد في ترابط.. مو بس بسوريا, بكل دول العالم
اقتباس:
|
غالبا بيكون للفقر اكتر من سبب من اللي طرخن ياس...و مجموع هالاسباب بيكون الفقر....فلذلك حل ازمة الفقر بيتطلب حل جذري لهذه العوامل و المسببات و هذا مو بالامر السهل...
|
أكيد..
أنا طرحت الأسباب اللي أكثر شي حسيتهون ممكن يلاقو صدى أو يخطرو عالبال.. و القصد من السؤال ليس انو حدد السبب من هدول بمعنى انو انفي الباقيين, انما قصدي انو حدد أهم سبب برأيك (عم قول انو هدول أسباب أوكي, واختيارك لواحد لا يعني نفي الباقيين انما طالب تحدد أهم سبب و ليس السبب الأوحد).
