[قرصان الأدرياتيك]

كاتب النص الأصلي : ابو نجبو

المفروض يشكّلو بكل حزب و تيار عربي فرقة خاصة تتدرب على رمي الشحّاطات و الاحذية....
استعداداً للمواجهات المستقبليّة ...

ليش ما بتعرف أنّو الأمّهات العرب بيصيبوا 99 من 100 شحاطة؟! بيجيبوها بنص خلقة ولادن .
شو بك الشغلة بالجينات.

كاتب النص الأصلي : جـدل

ناقصنا بطل أسطوري بعالمنا العربي
لدرجة أنو اللي بيضرب صرماية بيصير بطل
أووووووووف شو هل الحالة
بكرة إذا حدا عطس بوش شي أمريكي بصير بطل قومي

مرحبا أم الجدايل، كيفك؟ لساتك عشقانة ولا تطلقتِ؟ .
ترى أنا فاضي إذا صار في طلاق من أي نوع...
لا خيتو لا، الشحاطة غير العطسة، قلنالك سابقاً، الشحاطة ألها أصول بالمسكة، وخاصّة إذا كانت قندرة صاحبها كاسر مؤخرتها، فالضربة تجي محكمة، شنّو رح تطير بشكل مستقيم، والزيدي ضرب قندرتو بدون كسرة فما أصابت الهدف ويا للأسف!

كاتب النص الأصلي : a7la lolo

يعني امانة ..
حاجتنا بقا نواجه الكلام بالابتسام .. والصواريخ بالصرامي ..
يعني لا ان سكتنا ولا ان تحركنا ورمينا هالصرماي بعدنا مقصرين وكتير مو شوي ..
عالقليلة في حدا منا تحرك فيه ساكن و نزل لمستوى الصرماي(الشوز ..عقولة المبجلين عندي..)ليضرب فيها .. لانو ما في قدامو غير هالحل مو لاي سبب تاني
بس والله هالموضوع نهفة

والله الحادثة نهفة مو هداك .

كاتب النص الأصلي : ورده بغداد

الخياط عميل قديم وغيران وهو اكثر الناس الي قامو بالترويج للاحتلال الاميركي للعراق وافغانستان

وليخسأ العملاء أحفاد القرود... حاسس أنّو "العمالة" هي تهمة بالكروزومات العربيّة، متلا متل "الشحاطة"، أو في حل آخر، أنّو 101 بالمية من الشعب العربي عميل لقوى خفيّة بإيد الاستعمار والرجعيّة والإمبرياليّة "بنت الكلب" على رأي سارية بنت السواس!

كاتب النص الأصلي : ritka

هلا انا ما فهت
هو ما عجبو طريقة الزيدي
قام زت عليه صرماي؟
مدري كيف .. ما كأنها نفس طريقة التعبير؟
ولا ما انتبه؟
ولا هو بتطلع الصرماي منو حضارية يعني؟

لأ، هو رد عليه الصاع صاعين، أنو راد يقلّو: ما أخذ بالسيف، فبالسيف يُرد! .
يعني إذا أنت قادر تضرب قندرة للرئيس الأميركي فالشعب العربي كلو قادر يضرب قنادر وشحاطات وصرامي وتواسيم... إلخ (بس بعضن على بعض)!