[The morning]

كاتب النص الأصلي : بنت الاكارم

مرحبا شباب وصبايا

عندي عده اسئله ياريت الكل يجاوب عليها بس بصدق وصراحه

هلا لما الواحد يكون يراعي مشاعر الاخرين ويداريهم مع انه فاهم كل شي عم يسير حواليه بس احتراما الهم ما عم يواجههم شو بكون بنظر كم ؟؟؟؟؟؟؟؟؟؟؟؟؟؟؟؟؟

بنظري بيكون انسان محترم و ما بيحب يجرح الناس و بالتالي بيتوقع من الناس انو ما تجرحو.. بس الصدمه بتكون اذا الناس جرحتو .. بياكل هوا بالشوكه و السكين ..
بس كمان ما هون المشكله .. المشكله انو ما يوصل ليوم يحسو العالم القدامو غبي ..
الطيبه شو مفهومها عندكم ؟؟؟؟؟؟؟؟؟؟؟؟؟
الطيبه هي اني ازرع ورده مشان الحب .. ما ازرع ورده مشان الشوك اللي فيها
و اني لما ازرع الورده ما فكر اساسا انو رح يكون فيها شوك..
يعني فكر انو الدنيا كلها منيحه و انو العالم كلون متلي طيوبين

لما انت تحكم على شخص كم من الفتره لازم تعيش معه منشان تقدر تحكم على صفاته؟؟؟؟؟؟؟؟؟؟؟
اولا بتعتمد ع الشخص و مدى انفتاحو و صراحتو
تانيا ع مدى علاقتي في .. يعني مو صبي السمان اللي صرلي بعرفو من لما كنت صغيره و انا اسمو ما بعرفو
تالتا اديش بشوفو .. مو يعني ولله انا عندي رفيقتي صرلنا سنتين صحبه ,, تقابلنا من سنتين شي كم مره و خلص هلق صرنا صحبه من سنتين
رابعا احيانا كلمه وحده بعد عشره عمر بتخليني احكم ع الشخص انو كان غير ما كان يحكي .. لهيك احيانا ما بتحتاجي شي و احيانا بتحتاجي دهر .. بتعتمد ع الشخص .. و برأي اللي ما بتعرفي عنو منيح من اول فتره ما رح تعرفي عنو كتير لاخر العمر
هل بتقدر تحكم على صفات شخص من خلال كلام الناس عنه او من خلال ما تسمعه منهم ؟؟؟؟؟؟؟؟؟؟؟؟؟؟؟
طبعا ... لا بس باخد حزري لانو مافي شي بيجي من الهوا ..
اكيد الناس بتكتر حكي بس انا بضيف حكي الناس لاحساس و بخليني حزره من النواحي السلبيه لانو انا شخصيا حتى النواحي الايجابيه بعتقد انو الناس بتحكي عنا و بجوز ما تكون صح

شو صفات الانسان لازم تكون منشان يقدر يعيش بالوقت الحاضر مع اللي حواليه ؟؟؟؟؟؟؟؟؟؟؟؟

..................... حلس ملس نجس............................................ .........
كيف بتقدر تمميز الصادق من الكاذب بكلامه ومشاعره معك ؟؟؟؟؟؟؟؟؟؟؟
المشاعر ما شي ينكذب في و مع ذلك كتير ناس بتنجح بهالشي .. بطريقه او بأخرى
بس بهالحاله صعب الواحد يعرف لانو الي بيقدر يكذب بمشاعرو بكذب بكل شي .. و ماهر و شاطر بهي يعني
لهيك صعب تميزي بسهوله بس دائما في بكرا و في شمس لتدوب التلج ...

وفي كتير اسئله عم فكر فيها بس هلا بيكفي هيك

اتمنى الاجابه عليها

و انا عم استنا الاسئله التانيه بس ما تعملي فينا متل مسلسلات رمضان اللي بيقولولك في جزء تاني و ما بيرجعو لبعد شي مدري كم سنه ...