[وشم الجمال]

الى Reemi

حبيبتي ريمي ...انتي حاببتيه بس مخليه حبك الو قيد والاصل يكون بحر يعيش جواتك
بعرف انو الحب بيخليكي مجبرة على انك تعيشي كل لحظة وانتي ناطرة صوتو بس فرضا ما حكى شو بدو يصير؟؟بدك تخلي كل لحظاتك مصبوغة بانتظار مر؟؟؟

صديقتي هالشي ما رح يشعرك غير بالوجع ومشان هيك لازم تقدري تعيشي كل لحظة بجماليتها فيكي تغمضي عيونك وتحسي قديش حلو انو لسا في نفس عم يدخل صدرك...فيكي تضحكي وتنبسطي وفيكي تشوفي قديش شعورك بوجع غيرك وبفرح غيرك عم يدخل الفرح لقلبك....

حاولي تعطي كلشي حقو وما تخلي حبك الو يستولي عليكي لدرجة تفقدي فيها احساسك بنفسك

ومتل ما قال جبران

ليملأ واحدكم كأس الاخر ولكن لا تشربوا من كأس واحد
وليعط أحدكم الاخر من خبزه ولكن لا تأكلوا من رغيف واحد
غنوا وارقصوا معا وكونوا فرحن ولكن ليكن ك لمنكم وحده كما تنفرد اوتار العود مع انها تهتز بنغم واحد

اعطوا قلوبكم على ان لا يحتفظ احدكم بقلب الاخر
لان يد الحياة وحدها تتسع لقلوبكم
وقفوا صفا واحدا ولكن لا تتلاصقوا
فأعمدة الهيكل تقف متباعدة
وشجرتا السنديان والسرو لا تنموان احدهما في ظل الاخر

بتمنى تكوني فهمتي قصدي...ومية وردة لقلبك الطيوب