نتائج الإنفجار النووي (انفجار قنبلة نووية)
بإختصار شديد، لمن بيحصل الإنفجار النووي الطاقة الخارقة الناتجية بتحول المواد المستخدمة لغازات بالتالي بنتج ضغط عالي جدا بيعمل 1- رياح قوية جدا، 2- وميض قوي جدا اقوى من الشمس بمراحل 3- طاقة حرارية خرافية بتوصل درجتها لكذا مليون درجة وما تسألوني كيف قاسوها (بعتقد قدروها تقدير) 4- اشعاعات (الفا بيتا جاما) 5- الخليط السابق بيعمل عواصف من الأتربة والأتربة بدورها بتختلط بالمواد المشعة بالتالي بتصير بتحمل خواص اشعاعية وبتعمل غمامة ممكن تفضل عالقة بالهواء لعدة سنوات ..
اما الأشعة فهي الفا بيتا جاما (وبإختصار كمان)
الفا اشعة ما كتير مضرة او ضررها محدود جدا _الأشعة الفا هيي ايونات الهيليوم_ (الهيليوم ما غيرو الي بننفخ فيه بوالين منشان يطيرو هذا تبع المناطيد بحيث الهيليوم غاز سامي / نبيل / خامل اخف من الهواء)
الأشعة بيتا: هي عبارة عن الكترونات سريعة جدا بتوصل سرعتها لسرعة الضوء وهذا الي بيخليها نفاذيتها قوية كتير .. بالتالي بتعمل حروق وهيك ..
الأشعة جاما: وهاي الأخطر بحيث انو هيي اشعة كهرومغناطيسية (بس ماليها اي شحنة = يعني ما بتنحرف بتاثير مجال كهرباي او غيرو وهذا شي مهم) بتشبه الأشعة السينية (اشعة اكس تبع التصوير) .. وهاي الاخطر لانو اختراقها اكبر وطاقتها اكبر بتالتي بتعمل اضرار بالغة بالبني قادمين وهيك .. ولمسافات كبيرة جدا ..(حوالين مصدر الإشعاع او القنبلة الي انفجرت هون)
طيب بركي بالحلقلة القادمة بحكي عن القنابل الهايدروجينية والقنابل النيوترونية الي متل ما قلنا اقوى بألاف ومآت الاف المرات من القنابل النووية .. حيث بيكون قنبلة ننوية هي فتيل القنابل هاي مو اكتير..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|