وديع :
ضميري مش مرتاح ... وقلبي مش مرتاح
حاسس اني ضايع ومضيع المفتاح
أفكاري قلقانة ... وعيني سهرانة
حاسس قلك يا بنتي ...
ما عدت انتي قلتي
حاسس انك تعبانة
حاسس انك زعلانة
عم شوف بعينيكي غيوم سودا عم تشتي هموم
يمكن أنا غلطان يمكن أنتي غلطانة ...
نجوى :
أحساسك بمحلو يا بيي ..
أحساسك بجلو ...
وعن إذنك بدي قلو ...
بنتك صارت صبية ..
كلما غيمة سودا قبالي مرقت شو بتخطر عبالي
بتخطر عبالي كلماتك بتخطر عبالي نظراتك
وارجع رزنامة عمري
راجع أول صفحة بعمري
صغيرة وتوعظني من كتاب
بيحكي الدنية نعاج دياب وما وافق يا بيي
وشو تعيط عليي
وديع :
أيييييييييييييييييييييييي يه يا بنتي
لما صغيرة كنتي
خبيتك تحت جناحي
خبيتك تترتاحي
وكبيرة هلق صرتي صرتي انت جناحي
بحلف بعينيكي من كتر خوفي بوقتها عليكي ..
كنت ارسملك صور .. وخبار ..
تعطف قلبي يحاوطك داير مدار
وتكبري بعين الكل
تبقي صغيرة بعيني
نجوى :
وكبرنا يا بيي
كبرت فينا الأيام
المسؤولية كبرت معنا
وكبرت الأحلام
كرمالي يا بيي
شاركني المسؤولية
أيه أيه يا بيي
وديع :
لا تخافي يا بنتي
يا زهرة عيني
وحدك ما بخليكي
بعرف صرتي صبية وصار لازم خاويكي ..
نجوى :
بحاول ما خبي عليك
ولغيرك ما اشكي
بطلع بعينيك
بحسك عم تفهمني من قبل ما احكي
صعبة وحدي كفي الدرب
واخدوا مني فرح الحب
خطفوا مني قلب القلب
سرقوا مني الضحكة
وديع :
مش عم صدق شو عم أسمع
حاسس قلبي بلش يدمع
نجوى :
أخدو صوتي لمبن بغني
خطفوا لون دموعي مني
حرموا عيوني تبكي
ساعدني يا بيي
ما تتركني يا بيي
ردلي عقلبي الضحكة
والباقي ما بيعنيني