[syria alasad]

طيب إزا كل هالمصايب موجودة ببلدنا شو ضل؟؟؟؟؟ ليش لنضل ساكتين؟؟؟ مين سمح بهالفساد المستشري؟؟؟ بدك تقنعني إنو المسؤؤولين عنا ما بيعرفوا شي؟؟؟ أو بيعرفوا بس مو قادرين يعملوا شي؟؟؟؟؟
و أنا قلتلك إنو مو المشكلة بوجود التطور أو عدمو، المشكلة إنو التطور ما عميتناسب طردا مع موارد البلد، يا أخي عنا موارد متل اوروبا و أحسن، بس البلد عميتطور بشكل بطيء جدا، هي إزا سلمنا إنو يللي عمبصير تطور، و أنا بتحفظ على هالشي، لأن لهلأ الجامعات ما عمبتخرج كفاءات بتنافس خريجين دول العالم المتطور، و أنا برأيي الشخصي هادا معيار التطور (التحصيل العلمي)، و على أساسو تطورت أوروبا و أميركا.

حبيبي ابو طريق
نحا شو بيطلع بإيدنا ما عملناه ؟
الشعب المعتر اللي متلي ومتلك ما بيقدر يعمل ومنروح بين الرجلين بصراحة

اما بشغلة التحصيل العلمي فهادا شق تاني
يعني لو كل شاب أو صبية عم يفوتوا ع الكلية اللي هنن بيرغبوها لكانت بلدنا بألف
بس دائما المجموع بالبكالوريا عم يتحكم بمصير الطالب

وانا من الناس وقف سنتين عن الدراسة لحتى اجت فرصة فوت الفرع اللي بحس حالي مبدع فيه
وغيرو لا يمكن ادرس

اما الطلاب الدراويش يا حسرة فهمهم الوحيد انو ينجحو بالبكالوريا وياخدا هالشهادة ويعلقوها ع الحيط

طيب شو مشان صرلوا أكتر من 30 سنة؟؟؟؟؟ كمان القضاء على الفساد ما بصير بتلاتين سنة؟؟؟؟؟ الفساد دخل عسوريا و استفحل فيها و بشعبها خلال كام سنة، بس ليش بقي عقود من الزمن؟؟؟؟؟؟؟
و كمان إنتي قلت إنو البلد "بلدنا"، يعني ملك الشعب، يعني "سوريا الشعب" مو "سوريا الأسد".
بالآخر يا صديقي انا ما عندي شك أبدا بحبك للبلد، و أنا متأكد إنك بتحب البلد متل أي مواطن شريف، و بتحب البلد متلي و يمكن أكتر مني كمان، و تفاؤلك رغم كل هالعقبات هوي أكبر دليل على هالشي، و إنشالله يجي اليوم يللي نشوف فيه سوريا متل أي دولة أوروبية متطورة بعلما و شعبا.
و الشكر إلك أخي

طبعا يا سيدي
هالبلد ملك الشعب مو ملك حدا تاني على الاطلاق

انا اسمي سوريا الاسد لعشقي ببلدي ولعشقي لبشار الأسد بكل صراحة
فأنا رغم كل المعاناة التي أجدها مثل باقي شباب البلد لكنني أحبه وأشعر أنه قادر على انتشال البلد من الفساد

لذلك يا سيدي الكريم مالنا غير نصبر ونمشي مع الرئيس بشار وان شاء الله ما بينخاب الظن فيه

وثانكس يا سيدي