اقتباس:
كاتب النص الأصلي : Elephant And Castle
شي طبيعي بالدول يلي رأس المال فيها بيحكي ...يصير الضغط باتجاه مزيد من فتح الأسواق و الحصخصة و تحجيم دور الحكومات ,,و رأس المال بيحكي في حال وجود الشركات و الشركات المنافسة و في حال تمتع الأفراد البالغين جميعا بحرية المساهمة برأس المال من دون اي حواجز ....بس الشي غير طبيعي هو تطبيق المبادىء هي بدول نامية ,,, يلي ما بتعرف شو هو نظام السوق او المنافسة و الدخل الفردي فيها منخفض ...هون رح يتحول ل مسمى تاني ...احتكار ,,ستعمار ,,استعباد ....و حتى بدول متل امريكا و اوربا الغربية بصير في تحرك للحكومات لضبط الأسواق وقت بتشوف انو الوضع الأقتصادي متجه لتوسيع الفرق بين طبقات معينة بالمجمتع ...من دون المس بجوهر مبادىء التجارة الحرة .....
الموضوع هو عبارة عن مهاجمة النظام الأقتصادي يلي بيعتمد على مفهوم الليبرالية الجديدة..ماشي ....اصلا الموضوع هاد هو نقطة خلاف بين الليبرالين اليساريين و اليمينيين ( الليبراليين الجدد) مع العلم انو حاليا التيار اليساري بيشكل معظم و اهم الأحزاب الليبرالية بالعالم .
...مشان هيك الموضوع ممكن يكون واحد من اتنين ...يا اما هو تكملة للجدل بين الأطياف الليبرالية ....او هو مهاجمة لليبراليين بشكل عام و الفكر الليبرالي ...طبعا حسب كاتب او مترجم المقال و الصحف يلي بينشر فيها المقال ....لأنو الموضة هلئ من خصوم الليبرالية هي اتهامهم جميعا بتهمة " الليبرالية الجديدة " و اتهامهم جميعا بشن حروب لفتح اسوق جديدة متل حرب بوش على العراق !!! ...من ايمتا كان الليبراليين بيدعو للحرب ,,,!!! و من ايمتا كان بوش الجمهوري المحافظ ليبرالي !! الليبراليين هني يلي نزلو بالملايين بعواصم اوربا وامريكا للتظاهر ضد الحرب ...
يعني متل ما صار اتهام لكل المسلمين انو ارهابيين بسبب مئات من عناصر القاعدة ...عم يصير اتهام لليبراليين كلون بسبب اقلية منون شافت انو الليبرالية الجديدة مفيدة لأسوقها ... و الهدف من الشي هاد ضرب الأفكار الليبرالية الأساسية بأحترام حقوق الأنسان و المساواة و استيعاب الأقليات ..و غيرها .... لصالح ترسيخ فكر يميني راديكالي او ترسيخ ديكتاتورية ما ....
|
الحقيقة .. هادا الموضوع نزلتو انا عطفا على موضوعي بالمنبر
العلمانية الالحاد وشوية حكي..
لأنو الحقيقة شفت انو لازم يصير توضيح لمفهوم الليبرالية ولاتجاهاتها.. ولتفنيد أشكال الليبرالية وتوجهاتها الفكرية او الاقتصادية..
انا بشوف انو لازم يتم توضيح الفروق بين الليبرالية الامريكية والليبرالية الاوروبية وشو سبب اختلاف الاوضاع الاقتصادية بين النظامين .. وشو اللي قدمتو الاحزاب اليسارية او الليبرالية اليسارية بأوروبا..
اذا عندك مقال بيحكي بطريقة مختلفة عن الليبرالية الامريكية او النيوليبرالية بتمنى نشوفو هون بحصاد المواقع.. لحتى تكتمل نظرتنا..
