يعني أنا ما فهمت عليك لوين بدك توصل؟
أنت على شو عم تعارض؟ وشو اللي مو عاجبك بهالبلد؟ قاعد عم تنظر علينا من برا
خيو كل اللي حكيتو منعرفو و عم نعيشو كل يوم بس هدا ما بيمنعنا من انو نرفع صور السيد الرئيس و نحبو ......... وكل هالمظاهر اللي حكيت عنها شغلات صغيرة و عيوب تافهة تتضائل أمام انجازات السياسة الخارجية لسيادتو
عم تقول ما في ديمقراطية.... اي واذا ليش مين قلك انو نحني بدنا ديمقراطية شو شكلك مو سمعان بالخصوصية السورية
مو عاجبك التعليم ....... ما عم تسمع انو كل يوم عم يفتحولنا جامعة جديدة و خريجي الجامعات عنا اكتر من الهم على القلب .... شو بدنا احسن من هيك
عم تحكي عن الأمان.....بتحداك تلاقيلي بلد فيو ربع الامان اللي بسوريا ........في بلد بالعالم بيسترجي الواحد في يطلع من بيتو بالليل غير سوريا الاسد اصلا....
بعدين مين قلك انو الشعب السوري مو مبسوط...... اصلا بيكفي انو نحني عايشين بفضل سيادتو بكرامة وراسنا مرفوع........................................ ................ اي اي متل ما عم قلك مرفوع ليش مذهول من هالحكي؟؟
بكفي كل خطبة او تصريح صحفي لسيادتو ليخليك تحس بكرامتك.... بكفي انو بفضل حكمة سيادتو تحقق لسوريا و شعبها اكبر انجاز ... وهو انو سيادتو ما زال و سيبقى رئيسنا المفدى من دون منازع ........بكفي انو عنا رئيس طبيب و دارس برا كمان وبيحكي انكليزي ... وين رح تلاقي بسوريا كلها واحد بهيك مواصفات؟؟
فالله يخليك حط عقلك براسك و اعرف شو عم تكتب ......... هي سوريا الاسد غصب عن الكل ايوااا
و................. .............................................. يالله حاجتك لهون
|