[Nay]

كاتب النص الأصلي : The morning

لا هو في حالة وحده بس مش رح يدعس عرجلي او ادعسله عرجله .. في حال كان طريقي مش عطريقه ..

يعني انا مش ضد الاستنساخ كفكره لكن ضد تنفيذه اليوم .. يمكن لأنو بعده مش واضح تماما ً بعده ضبابي نوعا ً ما .. بعد مش معروفه بشكل جيد اثاره السلبيه ..
مش بالضروره لانو الانسان من تراب ولا جايبه العصفور عباب البيت .. انما لأنو في أمور لسـّا بحاجة وقت لتصير واقع .. لتصير متل التلفزيون اللي اول ما طلع كان الصندوق العجيب اللي ساكنته الاشباح و هلأ صار امر جدّا ً بديهي .. لذلك برأي لازم ما نسبق حالنا و نحنا عم نحاول نوصل للمستقبل يعني شوي شوي مع الوقت بتوضح أكتر الفكره و بتتشكلس امورها و بتصير بتواتي صحتنا ..

طبعا ً عم قول وجهه نظري ردا ً على ناي لانو فتحتيلي قريحتي لقول اللي بدي ياه و ليس ردا ً عكلامك بشكل خاص ..

فهمت عليكي.. انا الحقيقة ما كنت عم رد على كلامك بالضبط كنت عم رد على الردود اللي قريتها بالموضوع بشكل عام..
بس القصة انو التطبيقات الجزئية اللي عم تصير حاليا لفكرة الاستنساخ هيي جزء من التطور الكلي للفكرة والفكرة ما رح تكتمل اذا ما كان في تطبيقاتالها على ارض الواقع..
وبرأيي متل كل الاختراعات اللي مرت علينا كبشر ابتداء من الانشطارات الننووية ومرورا بالتلفزيون و الموبايل وانتهاء بالانتي بيوتيك كل االختراعات كان الها تطبيقات هائلة فادت البشرية وتطبيقات تانية ضرتها واذتها